Suro-Suro 12:21 - Kaili Ledo

²¹ Nanggava eo niovora, nipasua Magau Herodesmo pakea kamagauana bo hau nonturo ri gadera kamagauana bo notesa ka todea.

Suro-Suro 12:21 ပူးပေါင်းရင်းမြစ်များ

Matius 27:19

I Pilatus da nonturo ri Ponturo Potangara haitu, nakavamo saito tona nanggeni petevai nu berei i Pilatus, nanguli ivei: “Nee ratangara parakara ntona ledo nasala haitu! Iamo sampe pangipiku nadaa ibongi.”

Suro-Suro 12:20

Magau Herodes narau mpuu ka tupu ngata Tirus bo Sidon. Jadi tupu nu ngata randua haitu nasintuvu nantudu tona hau merapi mosinggabelo ante i Herodes, sabana ngatara haitu nanjarumaka kandea lako ri bagia poparenta i Herodes. Pamulana ira nombatinarasi saito topotulungi nosanga i Blastus, anu nombaurusi banua Magau Herodes, sampe ia mosabingga ka ira. Naupu haitu hau ira nantingayo Magau Herodes merapi mosinggabelo.

Suro-Suro 12:22

Todea haitu nongare-ngare nantoiya i Herodes. Niulira, “Hitu suara nu viata, ledo suara nu manusia!”

Suro-Suro 24:1

Lima-mbongi kaliuna, Pakeni nTopanggeni Pesomba nosanga i Ananias ante bara sako-ndua pakeni-pakeni ntoYahudi, notua hau ri ngata Kaisarea. Nikenira muni saito tona napande notesa nosanga i Tertulus. Ira nantingayo Gubernur Feliks, bo nipangaduramo sala i Paulus.

Suro-Suro 25:23

Kamailena, nakavamo Magau Agripa bo i Bernike. Ira nitarima ante ada pebila ka magau. Ira nesua riara banua polibu nosanggani-nggani ante tadulako-tadulako bo tona naria nturona ri ngata haitu. I Festus nomparenta tantarana manggeni i Paulus mesuamo.