Suro-Suro 12:11 - Kaili Ledo

¹¹ Ri sia nanotomo rara i Petrus bo niulina, “Hitupa nisanikumo ledo aga pangipi! Tupu mpuu nombatudu malaekaNa mombakabasaka yaku lako ri kuasa Magau Herodes bo lako ri pura-pura anu rapovia ntoYahudi ka yaku.”

Suro-Suro 12:11 ပူးပေါင်းရင်းမြစ်များ

Lukas 15:17

Kaupuna, nanotomo rarana, bo nipekirina, ‘Tona nokarajaa ka tuamaku nelabi-labi kandeara, tapi yaku ri sii mamate ara.

Suro-Suro 12:7

Sampesanika neongamo malaeka nTupu neangga ri sia, bo reme nevanta riara ntombi nu tarunggu haitu. Malaeka haitu nombagoya-goya karo i Petrus bo nilikena. Nanguli malaeka, “Pembangumo masalisa!” Kaliu-liu nakabasaka mbotomo rante ase lako ri pale i Petrus.

Suro-Suro 24:27

Rompae kaliuna, i Feliks nisambei, bo i Perkius Festus najadi gubernur ri bagia haitu. Tempo nolinja i Feliks, ia madota mangala rara ntoYahudi, jadi nipalambanamo i Paulus riara ntarunggu.

Suro-Suro 25:9

Tapi i Festus madota mangala rara ntoYahudi, jadi nipekutanana nte i Paulus, “Madota iko hau ri ngata Yerusalem ala anu nipangadukara iko hitu ratangara ri ngayoku hamai?”

Suro-Suro 5:19

Tapi bongina haitu saito malaeka nu Alatala nombaungge vamba-vamba ntarunggu bo nanggeni suro-suro hau ri savalikuna. Nanguli ia,

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

2 Petrus 2:9

Jadi lako ri tesa pangane, nisanita Alatala nompakule mompakasalama topangoseaka dotaNa tempo ira manggava pesori. Bo nipakuleNa muni mombatavani tona nadaa sampe ira rahuku ri Eo Potangara.