Suro-Suro 12:10 - Kaili Ledo

¹⁰ Ira nolipa nombaliunaka ponturo ntopojaga vamba pamulana, bo vamba karanduana, sampe nakava ri bobaa ase hau riara nu ngata. Bobaa ase haitu nateungge mbotomo. Nesuvumo ira nantuntuni dala sampenga, bo sampesanika nalipomo malaeka haitu nompalaisi i Petrus.

Suro-Suro 12:10 ပူးပေါင်းရင်းမြစ်များ

Yohanes 20:19

Ri eo Aka bongina, ana-anaguru i Yesus nasiromu ri sangu banua. Vamba nu banua haitu nigunji sabana ira naeka ka pakeni ntoYahudi. Sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 20:26

Naliu valu-mbongi, nasiromu vaimo ana-anaguru i Yesus riara nu banua haitu, bo i Tomas naria muni nosanggani-nggani ante roana ri sia. Vamba nigunji puramo tapi sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Suro-Suro 12:4

Naupu i Petrus nisaka, nisuarakara riara ntarunggu, bo Magau Herodes nantudu ampa lunu tantara mombajagai ia, ampa tantara salunu. Patuju i Herodes ala i Petrus ratangara ri ngayo ntodea maliutaka Eo Mbaso Paskah.

Suro-Suro 16:26

Sampesani naria lingu narimboso mpuu sampe pandasi banua ntarunggu nogoya muni. Pura-pura vamba natebuka bo rante pobalanggu tona nitarunggu navole sanggani.

Suro-Suro 5:19

Tapi bongina haitu saito malaeka nu Alatala nombaungge vamba-vamba ntarunggu bo nanggeni suro-suro hau ri savalikuna. Nanguli ia,

Pompakita 3:7

Ana nu Manusia netudu vai ala kutulisi ka malaeka anu nanggeniaka todea topomparasaya ri ngata Filadelfia ivei: “Hitumo tesa lako nte Yaku anu nagasa bo nanoa. Yakumo nantipale gunji nu vamba Poparenta Magau Daud. Ane Yaku mombaungge vamba, ledo ria saitoa tona mamala mombatutuina, bo ane Yaku mombatutui vamba ledo muni maria saitoa tona mamala mombaunggena.