Suro-Suro 12:1 - Kaili Ledo

¹ Tempo haitu muni, Magau Herodes Agripa nompamula nompandasa bara sako-ndua topomparasaya.

Suro-Suro 12:1 ပူးပေါင်းရင်းမြစ်များ

Matius 14:1

Tempo haitu topoparenta ri bagia Galilea, Magau Herodes Antipas. Niepena kareba i Yesus

Matius 14:3

Iveimo tesa kamate i Yohanes Topediu: Bara sakuya kasaena dopame haitu, Magau Herodes nangagosi berei sampesuvuna mboto, haitumo i Herodias, berei i Filipus. I Yohanes Topediu nasaro nangonteaka Magau Herodes nanguli, “Ledo masipato komiu mompoberei eramiu mboto! Pokainggumiu haitu nombaliunaka Atura nu Alatala.” Jadi i Herodes nantudu tona mombasaka i Yohanes bo mombatipunggu ia bo mombasuaraka ia riara ntarunggu.

Matius 14:6

Naria saeo nipoviara posusa eo jadi i Herodes. Kamanana, haitumo ngana randaa i Herodias, nolodi ri ngayo ntoposusa haitu. Nadamba mpuumo rara i Herodes nanggita ia nolodi

Matius 24:9

Tempo haitu komiu rasaka bo radekei ka tona anu mompandasa komiu bo mompatesi komiu. Komiu rapovuu mata ntona lako ri umba-umba ngata sabana komiu topangoseaka Yaku.

Lukas 22:53

Eo-eo Yaku naria nosanggani ante komiu ri Banua nu Alatala, tapi ledo nisakamiu Yaku. Damo bongina hitu pade nabia komiu nakava mombasaka Yaku. Hitumo logamiu, loga nu Magau Seta!”

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Suro-Suro 11:30

Sintuvura haitu nipoviara mpuumo, nitudura i Barnabas bo i Saulus manggeni pedekeira haitu ka pakeni-pakeni ntopangoseaka i Yesus ri ngata Yerusalem.

Suro-Suro 12:2

Nituduna tona mompatesi i Yakobus, sampesuvu i Yohanes, ante guma.

Suro-Suro 4:30

Pue, tulungi ala tona nadua mamala rapakabelo bo kabaraka bo tanda nipokumaaka majadi ante kuasa i Yesus, BatuaMiu nagasa.”

Suro-Suro 9:31

Jadi todea topangoseaka i Yesus ri njumangu bagia Yudea, Galilea bo Samaria domo nipandasa. Kasae-sae kadea-dea tona nomparasaya i Yesus, bo todea topomparasaya nantambai karoso pomparasayara sabana ira natundu nte Alatala, bo sabana Nosa Gasa nantulungi ira.