Suro-Suro 11:28 - Kaili Ledo

²⁸ Saito ira nosanga i Agabus. Ia neangga ri tatangara bo ante pekeniaka Nosa Gasa nu Alatala, niulina kana majadi ara mpai ri njumangu dunia. (Ara mpai haitu mpuu-mpuu najadi tempo i Klaudius najadi Magau Mbaso).

Suro-Suro 11:28 ပူးပေါင်းရင်းမြစ်များ

Matius 24:14

Bo Kareba Belo nu Poparenta nu Alatala kana rapatolele ri njumangu dunia ala pura-pura manusia mamala mangepena. Maupu haitu, pade makava kaupu nu dunia.”

Matius 24:7

Apa tempo haitu tona sangata mosieva nte tosangatana, bo magau simbo magau mosieva muni. Ri umba-umba ri dunia maria kamate ara bo lingu-lingu.

Lukas 2:1

Tempo haitu Magau Mbaso Kaisar Agustus nomparenta ala pura-pura sanga ntona riara poparentana ratulisi riara buku sensus ri ngata ntotuara mboto.

Lukas 3:1

Ri kasapulu lima-mpaena poparenta Magau Mbaso Kaisar Tiberius, i Pontius Pilatus najadi gubernur ri bagia Yudea, bo i Herodes noparenta ri bagia Galilea. I Filipus, tuaka i Herodes, noparenta ri propinsi Iturea bo propinsi Trakhonitis, bo i Lisanias noparenta ri bagia Abilene.

Suro-Suro 18:2

Nakava sumai, ia nosintomu ante toYahudi nosanga i Akwila anu nipoanaka ri propinsi Pontus. I Akwila ante bereina mombine i Priskila dako nakava ri ngata Korintus lako ri propinsi Italia. Ira nolinja hau ri Korintus sabana i Klaudius, Magau Mbaso, nomparenta pura-pura toYahudi kana mompalaisi ngata Roma ri propinsi Italia. I Paulus hau nantunggai ira randua,

Suro-Suro 21:10

Naliu bara sako-mbongi kami nonturo ri sia, nakavamo saito langgai nosanga i Agabus, lako ri bagia Yudea. Ia muni nidekeika nu Alatala pompakule nompasimbayu tesa nitarimana lako nte Alatala.