Suro-Suro 11:26 - Kaili Ledo

²⁶ Nosinggavapa ia ante i Saulus, haumo ira randua ri ngata Antiokhia. I Barnabas bo i Saulus nonturo sumai sampae kasaena. Ira nasaro nasiromu nosanggani-nggani nte todea topomparasaya bo nadea mpuu tona nipatudukira. Ri ngata Antiokhia haitumo topangoseaka i Yesus pamula-mulana niuli toKristen.

Suro-Suro 11:26 ပူးပေါင်းရင်းမြစ်များ

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Yohanes 2:2

I Yesus bo anaguruNa muni nigaga hau ri posusa haitu.

Suro-Suro 1:15

Naria saeo, nitasere saatu ropulu kadeara nasiromu. Neanggamo i Petrus ri tatanga nu sampesuvu sampomparasaya bo nanguli,

Suro-Suro 11:20

Tapi naria muni roara lako ri levuto Siprus bo propinsi Kirene hau ri ngata Antiokhia bo nompatolele Kareba Belo i Yesus ka tona ledo noagama Yahudi.

Suro-Suro 11:22

Todea topomparasaya ri ngata Yerusalem nangepe kajadia haitu muni. Jadi nitudura i Barnabas hau ri ngata Antiokhia.

Suro-Suro 11:27

Ri tempo haitu muni naria bara sako-ndua topomparasaya lako ri Yerusalem hau ri ngata Antiokhia. Topomparasaya haitu nabi apa naria pompakule nidekei nu Alatala ka ira mombasovadaka tesaNa.

Suro-Suro 11:29

Nangepe haitu, pura-pura topangoseaka i Yesus ri Antiokhia, nasintuvu mompakatu petulungi ka sampesuvura sampomparasaya anu nonturo ri bagia Yudea. Ira nombadekei nantuntuni pompakulera saito-saito.

Suro-Suro 14:20

Tapi tempo topomparasaya ri sia neangga nompatiku ia, nembangu mpanjili ia bo nesua riara nu ngata. Naeo mpadondo hau ia ri ngata Derbe nosanggani-nggani ante i Barnabas.

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Suro-Suro 14:23

Ri ngata-ngata haitu i Paulus bo i Barnabas nanganggataka pakeni ntodea topangoseaka i Yesus. Ira nopuasa bo nosambaya, nerapi i Pue mombajagai pakeni haitu, apa Iamo panjarumakara.

Suro-Suro 14:27

Tempo nakava ri ngata Antiokhia, nipasiromura topomparasaya i Yesus bo nitesakara pura-pura anu nipovia nu Alatala ri polipara. Nitesara muni Alatala nombadekei loga ka tona ledo toYahudi momparasaya i Yesus.

Suro-Suro 14:28

Nasae i Paulus bo i Barnabas nesai ri ngata Antiokhia nosanggani-nggani ante topangoseaka i Yesus ri sia.

Suro-Suro 18:27

Naliu haitu, i Apolos nonia hau ri propinsi Akhaya. Jadi topangoseaka i Yesus ri ngata Efesus nantulungi ia bo nompakatu sura ka topomparasaya ri propinsi Akhaya ala ira madota mantarima i Apolos sumai. Nadea tona ri propinsi Akhaya najadi topangoseaka i Yesus sabana kabelo nu Alatala, bo pepatuduki i Apolos mpuu-mpuu nantulungi ira.

Suro-Suro 19:9

Tapi bara sako-ndua ira nakaa bagara bo ledo nadota nomparasaya. Ira nanjalai nia nu Alatala ri ngayo ntodea, haitumo niaNa mompakasalama manusia sabana anu nipovia i Yesus. Haitumo sabana i Paulus nompalaisi ira, bo nikenina topangoseaka i Yesus hau ri sikola i Tiranus. Eo-eo ia nosinjula pekiri ante tona ri sia.

Suro-Suro 20:1

Nalinopa kagado ri ngata Efesus, i Paulus nompasiromu topomparasaya ri sia bo notesa nompakaroso rarara. Naupu sia, ia nopalakanamo pade nipapolana polipana hau ri propinsi Makedonia.

Suro-Suro 20:30

Lako nte komiu mboto meumba tona mompatuduki anu ledo nakana. Rapoviara ivesia ala topangoseaka i Yesus domo mangoseaka dala nakana, tapi mangoseaka iramo.

Suro-Suro 21:4

Ri ngata Tirus haitu, kami hau nanggita topangoseaka i Yesus bo nonturo nte ira saminggu kasaena. Ante pekeniaka Nosa Gasa ira nompainga i Paulus, nee mantende hau ri ngata Yerusalem.

Suro-Suro 26:28

Nanguli Magau Agripa ka i Paulus, “Nisarumakamu yaku hii mamala kaliu-liu mupajadi toKristen?”

Suro-Suro 6:1

Kasae-sae kadea-dea topangoseaka i Yesus. Tempo haitu topangoseaka i Yesus deanapa toYahudi. Sanu ira nobasa Yunani, bo sanu nobasa basara mboto. Tempo haitu topobasa Yunani ledo nadamba nte topobasa Yahudi. Topobasa Yunani nanguli, “Timbala-timbala kami ledo nanggava doi balanja eo-eo mpo anu nipalele ka timbala-timbala ntanina.”

Suro-Suro 6:5

Naupu nangepe tesa nu suro-suro pangane, nasituju puramo topangoseaka i Yesus ante tesa haitu. Jadi nipelisiramo i Stefanus, saito tona naroso pomparasayana i Yesus bo muni ia nikuasai nu Nosa Gasa nu Alatala. Nipelisira muni i Filipus, bo i Prokhorus, i Nikanor, i Timon, i Parmenas, bo i Nikolaus lako ri ngata Antiokhia. Ia ledo toYahudi, tapi ia nesua agama Yahudi.

Suro-Suro 9:19

Naupu nidiu, nangandemo ia bo naroso mpanjili bukuna. Naupu haitu, i Saulus nonturo nte topangoseaka i Yesus ri ngata Damsyik bara sako-mbongi kasaena.

Suro-Suro 9:38

Topangoseaka i Yesus ri ngata Yope nangepe i Petrus naria ri ngata Lida. Bo ngata Yope ledo nakavao lako ri ngata Lida pangane. Sia sampe nitudura randua tona hau manguli petevai ka i Petrus ivei: “Kamai masalisa tumai ri ngata Yope.”

1 Korintus 11:18

Paratama, niepeku ane komiu nasiromu, komiu natebagi-bagi bo nosinjanai. Bo tantu nakana sanu kareba haitu.

1 Korintus 12:12

Karota sangu nau mpengaya-ngaya sipana. Bo nau mpengaya-ngaya sipa, batena sangu karo. Ivesia muni kita topomparasaya i Kristus. Kita namala nirapaka sangu karo. Nau nadea ngayana kita, kita pura-pura aga sangu karo i Kristus.

1 Korintus 14:23

Rapana komiu topomparasaya masiromu sanggani bo pura-pura komiu mompake basa-basa nopuna lako nte Nosa Gasa. Ane maria tona dopa nisanina Tesa nu Alatala atau tona ledo nomparasaya mesua ri sia, nuapa majadi? Natantumo rapekirira komiu togila.

1 Korintus 4:17

Kutudu i Timotius tou nte komiu mombatulungi komiu mompasiala pokaingguku. Ia topomparasaya i Pue, bo ia mpo anaku mboto anu nipotoveku, bo ia namala raparasaya. Ia mompopatora ka komiu pokaingguku nangoseaka i Yesus Kristus, nasimbayu mpo nipatudukiku ka pura-pura topomparasaya i Yesus ri umba-umba ngata.

Efesus 3:15

Iamo Tuama nu pura-pura anu naria, nau kita ri dunia, nau isi suruga.

Yakobus 2:7

Tona nakalumanamo nanjalai sanga anu nipakaogeta, haitumo sanga nTuputa!

1 Petrus 4:14

Ane komiu rasalai ntona sabana komiu nangoseaka i Kristus, kana masana mpuumo komiu. Apa ane komiu rasalai sabana pomparasayamiu, batuana Nosa Gasa nu Alatala anu nakuasa, naria mpuu riara nggatuvumiu.

1 Petrus 4:16

Tapi ane komiu mombarasai kasusa sabana komiu topomparasaya, nee maeya matamiu. Ulimo tarima kasi ka Alatala, apa komiu mpuu-mpuu topangoseaka i Kristus.

1 Yohanes 2:27

Tapi kakanana domo paraluu tona ntanina mompatuduki komiu, sabana nitarimamiumo Nosa Gasa anu nipopanau i Kristus. Bo Nosa Gasa haitumo naroo riara ntaimiu bo nompatuduki ka komiu pura-pura anu paraluu rasanimiu. PepatudukiNa haitu nakana pura, ledo naria dava. Sabana haitu, komiu kana maroo matuvu mosangu rara nte i Kristus nangoseaka anu nipatuduki Nosa Gasa ka komiu.

Pompakita 3:18

Haitu sampe Kutevai ka komiu ivei: Alimo bulava nipakagasa riara apu lako nte Yaku ala komiu mpuu-mpuu makalumana ri panggitaKu. Bo ali munimo pakea mputi lako nte Yaku, ala komiu mamala mopakea bo ledo maeya matamiu rakita ntona komiu novuloa. Bo ali munimo pakuli ragese ri matamiu ala komiu mamala mekita mpanjili.