Suro-Suro 11:25 - Kaili Ledo

²⁵ Naupu haitu i Barnabas hau ri ngata Tarsus mangelo i Saulus.

Suro-Suro 11:25 ပူးပေါင်းရင်းမြစ်များ

Suro-Suro 15:34

[Tapi kaupuna ledo hau i Silas. Niulina monturo ri ngata Antiokhia ruru.]

Suro-Suro 21:39

Nesanamo i Paulus, “Ledo. Yaku hii toYahudi, lako ri Tarsus ngata mbaso ri propinsi Kilikia. Kuperapi, dekei kaku loga motesa ka todea hitu.”

Suro-Suro 4:36

Ivesia muni nipovia i Yusuf. Nipobaluna tanana bo doi haitu nikenina bo nidekeina ka suro-suro i Yesus. I Yusuf haitu toLewi lako ri levuto Siprus. Suro-suro nombadae ia i Barnabas, batuana, “topompakavoe rara ntona.”

Suro-Suro 9:11

I Pue nanguli, “Koimo hau ri dala nosanga Dala Noa. Elomo ri sia saito tona lako ri ngata Tarsus nosanga i Saulus. Hitu-hitu ia nosambaya.

Suro-Suro 9:27

Jadi i Barnabas hau nombatulungi i Saulus. Nikenina ia hau motesa nte suro-suro. I Barnabas notesa ka ira berimba i Saulus nanggita i Pue Yesus ri tatanga nu dala, bo i Pue notesa ka ia. Nitesana muni kabia i Saulus nompatolele kareba i Yesus ka tona ri ngata Damsyik.

Suro-Suro 9:30

Topomparasaya ntanina niepera i Saulus rapatesi, jadi nikeniramo ia notua hau ri ngata Kaisarea bo nitudura hau manjili ri ngata Tarsus, ngatana mboto.