Suro-Suro 11:24 - Kaili Ledo

²⁴ I Barnabas haitu tona nabelo rarana, bo nikeniaka Nosa Gasa nu Alatala. Naroso mpuu pomparasayana. Bo nadea tona ri Antiokhia nikenina nomparasaya i Pue Yesus.

Suro-Suro 11:24 ပူးပေါင်းရင်းမြစ်များ

Matius 12:35

Tona nabelo rarana nombatesa anu nabelo, sabana anu niboli riara ntaina nabelo. Bo tona nadaa rarana nombatesa anu nadaa sabana anu niboli riara ntaina aga anu nadaa.

Matius 19:17

Nesana i Yesus, “Nakuya tano iko nompekutana pokainggu tobelona nte Yaku? Aga Alatala nabelo, ledo ria ntanina. Ane iko madota manggava katuvua nabelo sampe ri kasae-saena, oseakamo parenta-parenta nu Alatala.”

Lukas 23:50

Naria langgai nosanga i Yusuf, lako ri ngata Arimatea ri bagia Yudea. Ia tona nabelo bo pokaingguna nanoa. Ia nantongoraka tempona Alatala moparenta mpo Magau. Ia saito lako ri Polibu Mbaso Agama Yahudi tapi ledo nasituju ia ante potangara bo poviara nompatesi i Yesus.

Yohanes 7:12

Ri tatanga ntodea nadeamo tona nosikalivaya nanguli i Yesus. Naria sanu nanguli, “Ia tona nabelo.” Tapi naria muni sanu nanguli, “Ledo! Ia nombabagiu todea!”

Suro-Suro 11:21

Kuasa nTupu naria nte ira sampe nadea toAntiokhia nomparasaya bo nombadekei katuvura ka i Pue Yesus.

Suro-Suro 2:4

Ira pura-pura nikuasai Nosa Gasa nu Alatala bo nompamulamo notesa ante mpengaya basa ntanina nisovadakara nangoseaka anu nidekei nu Nosa Gasa ka ira.

Suro-Suro 2:47

Ira nasaro nombatoiya Alatala bo pura-pura todea ntanina nompodamba ira. Bo eo-eo nantambai kadea ntona nipakasalama nu Alatala.

Suro-Suro 24:16

Haitumo sabana yaku nasaro nompasimbuku mokainggu nabelo ala ledo maria nuapa-nuapa nipoviaku masala ri panggita nu Alatala bara ri panggita nu manusia.

Suro-Suro 5:14

Kasae-sae katambai-mbai kadea ntopangoseaka i Yesus, langgai bo mombine.

Suro-Suro 6:3

Jadi aginapa rapelisimiu papitu tona lako nte komiu mboto radekeika bago haitu. Pelisimo tona nabelo sangana, nanoto, bo nikuasai Nosa Gasa nu Alatala, bo pura-pura bago haitu radekei kami ka ira.

Suro-Suro 6:5

Naupu nangepe tesa nu suro-suro pangane, nasituju puramo topangoseaka i Yesus ante tesa haitu. Jadi nipelisiramo i Stefanus, saito tona naroso pomparasayana i Yesus bo muni ia nikuasai nu Nosa Gasa nu Alatala. Nipelisira muni i Filipus, bo i Prokhorus, i Nikanor, i Timon, i Parmenas, bo i Nikolaus lako ri ngata Antiokhia. Ia ledo toYahudi, tapi ia nesua agama Yahudi.

Suro-Suro 6:8

I Stefanus mpuu-mpuu nipobelo nu Alatala. Bo naria kuasa nu Alatala nte ia sampe nadea kabaraka bo tanda nipokumaaka nipoviana ri ngayo ntodea.

Suro-Suro 9:31

Jadi todea topangoseaka i Yesus ri njumangu bagia Yudea, Galilea bo Samaria domo nipandasa. Kasae-sae kadea-dea tona nomparasaya i Yesus, bo todea topomparasaya nantambai karoso pomparasayara sabana ira natundu nte Alatala, bo sabana Nosa Gasa nantulungi ira.

Roma 15:15

Tapi naupa ivesia, nabia yaku notulisi bara sako-ngaya ka komiu pangane. Patujuku mompopatora komiu, sabana haitumo pokarajaa nidekei nu Alatala ka yaku lako ri kabelo raraNa.

Roma 5:7

Nakura nikavata tona nasadia mamate manjambei roa anu ledo nasala pokaingguna. Ane roana tona nabelo mpuu, bara maria nte saito masadia mamate manjambei ia.