Suro-Suro 11:16 - Kaili Ledo

¹⁶ Pade nitoraku tesa i Pue Yesus bara ipia ivei: ‘I Yohanes nombadiu tona ante uve, tapi komiu radiu ante Nosa Gasa nu Alatala!’

Suro-Suro 11:16 ပူးပေါင်းရင်းမြစ်များ

Matius 3:11

Yaku mombadiu komiu ante uve, tandana najeamo komiu lako ri dosamiu. Tapi da nariapa saito ngena tona meonga nelabipa kakuasaNa pade yaku. Naogepa Ia pade yaku sampe nau manggeni sapatuNa ledo masipato yaku. Ia mombadiu komiu ante Nosa Gasa nu Alatala bo apu.

Matius 3:6

Ira nompangaku dosara bo ira nidiuna ri Binangga Yordan tanda najeamo lako ri dosara.

Markus 1:8

Yaku nombadiu komiu ante uve. Tapi Ia mombadiu komiu ante Nosa Gasa nu Alatala.>>

Lukas 24:8

Nangepe anu niuli nu malaeka haitu, nitoraramo tesa i Yesus bara ipia.

Lukas 3:16

Nisani i Yohanes pompekirira. Jadi niulikana ira pura-pura, “Yaku mombadiu komiu ante uve, tandana najeamo komiu. Tapi da nariapa saito ngena meonga nelabipa kakuasaNa pade yaku. Naogepa Ia pade yaku sampe nau mombavole lui nu sapatuNa, ledo masipato yaku. Ia mombadiu komiu ante Nosa Gasa, bo apu.

Yohanes 1:26

Nesana i Yohanes, “Yaku nombadiu tona ante uve tandana ira najea lako ri dosara. Tapi ri tatangamiu naria saito tona dopa nisanimiu.

Yohanes 1:33

Tempo haitu, dopa nisaniku Ia Magau Topepakasalama. Tapi Alatala anu nantudu Yaku mombadiu tona ante uve, Iamo nanguli ka yaku bara ipia ivei: ‘Ane nukita Nosa GasaKu manau metuu ri tona saito, Ia haitumo mombadiu tona ante Nosa GasaKu.’ ”

Yohanes 14:26

Tapi ane Nosa Gasa nu Alatala makava, rapatudukiNa ka komiu mpengaya-ngaya bo rapopatoraNa ka komiu pura-pura anu nitesaKu ka komiu. Apa Iamo Topetulungi anu ratudu nTuamaKu manjambei Yaku.

Yohanes 16:4

NitesaKu mami ka komiu kamateKu, ala tempo haitu majadi ngena, ratoramiu nariamo nitesaKu ka komiu.” “Tesa hitu ledo niuliKu ka komiu lako ri pamulana sabana Yaku da nosanggani-nggani ante komiu.

Suro-Suro 1:5

Toramo! I Yohanes nombadiu tona ante uve, tandana ira najea lako ri dosara. Tapi bara sako-eopa komiu radiu ante Nosa Gasamo.”

Suro-Suro 20:35

Riara mpengaya-ngaya, katuvuaku najadi jonjo ka komiu, haitumo, kita kana mokarajaa ala rapakuleta mombatulungi tona ledo nompakule nokarajaa. Kita kana mompariara tesa i Pue Yesus anu nanguli: ‘Nadambapa tona nombadekei pade tona nantarima.’ ”

1 Korintus 12:13

Sanu kita toYahudi, sanu ledo. Sanu kita batua, sanu ledo. Tapi kita pura-pura nidekeika nu Alatala Nosa Gasa sangu haitu ala kita majadi sangu karo. Bo Nosa Gasa sangu haitu nonturo riara ntaita pura-pura.

2 Petrus 3:1

Sampesuvu-sampesuvu nipotoveku, hitumo suraku karanduana ka komiu. Riara suraku karanduana hitu muni yaku nompasimbuku mompopatora ka komiu pepatuduki nakana ala pekirimiu batena magasa.