Suro-Suro 10:41 - Kaili Ledo

⁴¹ Tapi ledo pura-pura tona nanggita Ia, aga kami nipelisi nu Alatala nokolu majadi sabi-sabiNa. Naliu i Yesus natuvu mpanjili, kami nangande bo nanginu nosanggani-nggani nte Ia.

Suro-Suro 10:41 ပူးပေါင်းရင်းမြစ်များ

Lukas 24:30

Tempo Ia nonturo nangande sanggani ante ira, nialaNa roti pade niuliNa tarima kasi ka Alatala. Naupu haitu nitubiNa roti haitu bo nibagiNamo ka ira.

Lukas 24:48

Komiumo sabina pura-pura anu najadi nte Yaku.

Yohanes 14:17

Topetulungi haitumo Nosa Gasa nu Alatala anu mompopaisani anu nakana ka komiu. Tona ri dunia hitu anu ledo nomparasaya, ledo mamala mantarima Ia sabana ledo nikitara Ia bo ledo nosisani ante Ia. Tapi komiu nosisani ante Ia sabana Ia nosanggani-nggani ante komiu sii-sii, bo domo masae Ia monturo riara ntaimiu.

Yohanes 14:19

Damo sampalai rakita ntona Yaku ri dunia hitu. Tapi komiu da rakitamiu Yaku. Bo komiu matuvu mabelo sabana Yaku matuvu mpanjili.

Yohanes 14:22

Bo nekutana i Yudas (ledo i Yudas Iskariot), “Pue, nuapa sabana Komiu aga mompopaisani karoMiu ka kami, ledo ka pura-pura manusia ri dunia?”

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Yohanes 15:27

Bo komiu muni mompopaisani Yaku ka todea sabana komiu nosanggani-nggani ante Yaku lako ri pamula panggaviaKu ri dunia hitu.”

Yohanes 21:13

Hau i Yesus nangala roti bo nibagiNa ka ira. Bo ivesia muni nipoviaNa ante bau.

Suro-Suro 1:4

Naria saeo i Yesus nasiromu nte ira, niulikaNa ira, “Neepa ruru malai lako ri ngata Yerusalem. Popeamo sampe TuamaKu Alatala mompopanau Nosa Gasa nipejanjikaNa, evamo niuliKu muni ka komiu bara ipia.

Suro-Suro 10:39

Kamimo hii sabi pura-pura anu nipoviaNa ri tana ntoYahudi sampe ri ngata Yerusalem. Kaupuna i Yesus haitu nipatesi ntoYahudi, nipaku ri kayu salib.

Suro-Suro 13:31

Bara sakuya eo kasaena, nadea ngganina i Yesus nompopakita karoNa ka tona anu nantuntuni Ia lako ri bagia Galilea hau ri ngata Yerusalem. Ira haitumo anu sii-sii najadi sabi-sabiNa ka todea toIsrael.