Suro-Suro 10:36 - Kaili Ledo

³⁶ Sampesuvu-sampesuvu, nisanimiu mbotomo isi kareba nipasimbayu nu Alatala ka kami toIsrael. Kareba haitu nanguli i Yesus Kristus anu nompoposinggabelo manusia ante Alatala. I Yesusmo Tuputa pura-pura, ledo aga Tupu ntoYahudi.

Suro-Suro 10:36 ပူးပေါင်းရင်းမြစ်များ

Matius 10:6

Koimo ruru nte toYahudi muli i Israel anu nasimbayu eva bimba-bimba nalipo.

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Suro-Suro 10:37

Nisanimiu anu najadi ri njumangu tana ntoYahudi. Nompamula ri bagia Galilea, tempo i Yohanes nombadiu tona anu najea lako ri dosa-dosara.

Suro-Suro 11:19

Namatepa i Stefanus nirempe vatu, nadeamo topomparasaya i Yesus nipandasa sampe nadea nalai nosimpogaa-gaa hau ri umba-umba ngata. Naria sanu nalai sampe ri propinsi Fenisia, bo naria muni nalai hau ri levuto Siprus bo ngata Antiokhia. Nipatolelera kareba lako nte Alatala ri ngata-ngata nikalaura, tapi aga ka toYahudi.

Suro-Suro 13:32

Jadi sampesuvu-sampesuvu, sii-sii kami nakava mompatolele Kareba Belo hitu ka komiu. Anu nijanji nu Alatala ka totua-totuata nggaulu,

Suro-Suro 13:46

Tapi i Paulus bo i Barnabas aga nantambai kabiara notesa ka ira ivei: “Masipato Tesa nu Alatala rapasimbayu ntani ruru ka komiu toYahudi. Tapi nipoaramiu tesa haitu. Nipakalantomiu mboto komiu ledo masipato manggava katuvu nabelo sampe ri kasae-saena. Sabana haitu, kami domo mompatolele tesa haitu ka komiu toYahudi! Hitupa kami hau nte tona ledo toYahudi,

Suro-Suro 2:36

Bo i Petrus nompakaupu tesana, bo nanguli, “Jadi sampesuvu-sampesuvu, haitumo sampe kita toIsrael pura-pura, kana rasanita mpuu-mpuu, i Yesus hitumo anu nipakumiu ri kayu salib, Iamo nipelisi nu Alatala majadi Tupu bo Magau Topepakasalama!”

Suro-Suro 5:31

Bo Alatala nompakaoge i Yesus bo nipoponturoNa Ia ri sabingga ngganaNa, bo nidekeiNa ka Ia kuasa momparenta bo mompakasalama kita, ala kita toIsrael radekei loga majea lako ri dosa-dosata bo raampungi.

Roma 14:9

Haitumo sabana i Yesus Kristus namate bo natuvu mpanjili lako ri kamateNa, ala Ia mamala majadi Tupu nu pura-pura manusia, nau tona da natuvu nau tona namatemo.

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

1 Korintus 15:27

Nitulisi riara Buku Gasa ivei: “Alatala mompopekou pura-pura anu naria ri ngayoNa.” Mazmur 8:7 Jadi nisanita pura-pura mekou nte i Kristus. Aga Alatala mboto ledo mekou nte i Yesus, sabana Iamo anu nompopekou pura-pura anu naria nte i Kristus.

1 Korintus 15:47

Manusia paratama haitu nipajadi lako ri tana bo nonturo ri dunia hitu. Tapi i Kristus, anu nireke i Adam karanduana, nopuna lako ri suruga.

Filipi 2:11

bo pura-pura ira mompangaku i Yesus Kristusmo Tupura. Ivesiamo, ira mombabila bo mombatoiya Tuamata Alatala.

Kolose 1:20

Bo dotaNa muni, AnaNa mompoposinggabelo pura-pura anu nipajadiNa nte Ia. Pura-pura anu nipajadi nu Alatala, nau ri dunia, nau ri suruga, pura-pura nosinggabelo mpanjili ante Ia sabana raa nu AnaNa anu natiti tempo Ia nipatesi ri kayu salib.

Ibrani 1:2

Tapi ri tempo nggapuri hitu AnaNa mbotomo nompasimbayu tesaNa ka kita. AnaNa haitu nipopale nu Alatala nompajadi dunia, bo Alatala nompakatantu AnaNa haitumo masipato majadi tupuna pura-pura anu naria.

Ibrani 13:20

Alatala nompakatuvu mpanjili Tuputa Yesus lako ri kamateNa. Jadi Ia najadi Topoevu nakuasa anu nompoevu kita bimba-bimbaNa. RaaNa nipatiti nompakaasa pojanji nu Alatala ante kita, bo pojanji haitu rapake sampe ri kasae-saena. Kuperapi Alatala, puna katuvua nabelo, mompakagana pura-pura anu nabelo niparaluumiu, ala rapakulemiu movia dotaNa. Kuperapi Ia manggeni komiu movia anu nipokonoNa ante petulungi i Yesus Kristus. Iamo masipato ratoiyata bo rabilata sampe ri kasae-saena. Amin!

1 Petrus 3:22

Bo i Yesus neore hau ri suruga bo sii-sii nonturo ri ponturo nibila ri panggana nu Alatala bo nomparenta nosanggani-nggani nte Ia. Bo pura-pura malaeka bo topoparenta bo tonakuasa ri laerava natundu nte Ia.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Pompakita 17:14

Bo ira mosieva ante Ana Bimba. Tapi Ana Bimba mombadagi ira sabana Iamo Tupu nu pura-pura tupu bo Magau nu pura-pura magau. Bo nosanggani-nggani ante Ana Bimba haitu maria muni topangoseaka-topangoseaka Ia anu nipokioNa bo nipelisiNa, anu natutu nangoseaka Ia.”

Pompakita 19:16

Ri bajuNa bo ri timpuNa nitulisi sangaNa ivei: MAGAU NU PURA-PURA MAGAU, TUPU NU PURA-PURA TUPU.