Suro-Suro 10:31 - Kaili Ledo

³¹ Ia nanguli ka yaku ivei: ‘Kornelius! Posambayamu nitarima nu Alatalamo, bo nitoraNa kabelo raramu nantulungi tona napakasi.

Suro-Suro 10:31 ပူးပေါင်းရင်းမြစ်များ

Lukas 1:13

Tapi nanguli malaeka, “Nee maeka, Zakharia. Nitarima nu Alatalamo posambayamu. Bereimu i Elisabet moana saito ngana langgai, bo mupoposanga Yohanes.

Suro-Suro 10:30

Nesanamo i Kornelius, “Talu-mbongi naliu, nitasere jaa ivehitu muni, tinti tatalu ede eo, yaku nosambaya ri banuaku. Sampesanika naria saito malaeka nikitaku neangga ri ngayoku. Pakeana nenggila-nggila.

Suro-Suro 10:32

Jadi tudumo tona hau ri ngata Yope mangulika tona nosanga i Simon Petrus tumai. Ia nesai ri banua ntopokarajaa kulimba anu nosanga i Simon, anu nonturo ri talinti.’

Suro-Suro 10:4

Naeka mpuu i Kornelius nanggita malaeka haitu. Nesana i Kornelius, “Nuapa, tua?” Nanguli malaeka, “Posambayamu nitarima nu Alatalamo, bo nitoraNa kabelo raramu nantulungi tona napakasi.

Filipi 4:18

Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

Pompakita 5:8

Tempo Ana Bimba nangala sura haitu, nantaputumo ampa Anu Natuvu, bo ropulu bo ampa totua ri ngayoNa mombasomba Ia. Ri palera saito-saito naria kacapi bo tubu bulava niisi dupa anu navangi mpuu. Dupa haitu nirapaka posambaya ntodea nu Alatala.