Suro-Suro 10:27 - Kaili Ledo

²⁷ Da ranja mpotesa nte i Kornelius, nesuamo i Petrus hau rabanua. Nikitana nadeamo tona nasiromu,

Suro-Suro 10:27 ပူးပေါင်းရင်းမြစ်များ

Lukas 24:14

Ira notesa nggalako dala, nombatesa anu najadi ante i Yesus.

Yohanes 4:35

Biasa niuli ntona ivei: ‘Da pata-mbulapa pade mokato.’ Tapi Kuuli ka komiu, peintamo pae ri talua nakunimo, nasadiamo rakato.

Suro-Suro 10:24

Sambongi ira naturu ri dala pade nakava ri ngata Kaisarea. Ri sia ira nipopea-pea i Kornelius sambanua. Naria muni sampesuvu-sampesuvuna bo vega-vega rapana nipasiromuna ri banuana.

Suro-Suro 14:27

Tempo nakava ri ngata Antiokhia, nipasiromura topomparasaya i Yesus bo nitesakara pura-pura anu nipovia nu Alatala ri polipara. Nitesara muni Alatala nombadekei loga ka tona ledo toYahudi momparasaya i Yesus.

1 Korintus 16:9

apa nadea loga ka yaku ri sii mokarajaa anu mamala manggeni belo ka todea, naupa nadea muni topangeva yaku ri sii.

2 Korintus 2:12

Kapolana, tempo yaku nakava ri ngata Troas mompatolele Kareba Belo i Kristus, i Pue nombadekei ka yaku loga nabelo mokarajaa hamai.

Kolose 4:3

Posambayaka muni kami ala Alatala mombadekei loga nabelo ka kami mompatolele karebaNa anu notesaki niaNa anu nipakadupa i Kristus. NiaNa haitu da nitabuniaka bara ipia, tapi sii-sii nipatolelekumo kareba i Kristus haitu. Bo sii-sii yaku nitarunggu sabana pokarajaaku nompatolele kareba haitu.