Suro-Suro 10:22 - Kaili Ledo

²² Niulira, “Kami hii nitudu Kapten Kornelius tumai. Nau ia ledo toYahudi, ia tona nanoa bo ia natundu nte Alatala bo pura-pura toYahudi nombabila ia. Naria malaeka nu Alatala nantudu ia mompokio komiu hau ri banuana ala raepena anu raulimiu ka ia.”

Suro-Suro 10:22 ပူးပေါင်းရင်းမြစ်များ

Matius 1:19

I Yusuf, tengeana, tona natutu nangoseaka atura agama. Haitu sampe ia nonia mombabole tengeana i Maria. Tapi ledo nadota ia mompakaeya i Maria ri ngayo ntodea. Jadi patujuna mombabole i Maria nggalino-lino.

Matius 2:12

Naupu haitu, Alatala nompopainga ira riara pangipira, ala nee manjili hau nte Magau Herodes. Jadi nalaimo ira hau manjili ri ngatara mboto nangoseaka dala ntanina.

Markus 6:20

sabana Magau Herodes naeka rarana nte i Yohanes. Nisanina i Yohanes tona nanoa bo nagasa rarana. Jadi nisalikuna i Yohanes bo ledo nidekeina rapatesi. Ane niepena tesa i Yohanes, domo nasilonga pekirina, tapi nasana muni rarana nangepe tesana.

Markus 8:38

Isema-sema maeya matana manguli ia topangoseaka Yaku bo maeya matana nte pepatudukiKu ri tatanga ntodea anu nadosa bo ledo natutu nangoseaka Alatala, Yaku muni maeya mataKu manguli ia topangoseaka Yaku tempo Yaku makava mpanjili. Apa Yaku, Ana nu Manusia, makava mpanjili ri dunia hitu ante reme bo kuasa nTuamaKu, mosanggani-nggani ante malaeka-malaeka nagasa!>>

Lukas 2:25

Tempo haitu ri ngata Yerusalem naria langgai nosanga i Simeon. Ia tona nanoa, anu natundu nte parenta nu Alatala bo nantongoraka tempona Alatala mompakasalama todea toIsrael. Nosa Gasa nu Alatala naria nte ia.

Lukas 23:50

Naria langgai nosanga i Yusuf, lako ri ngata Arimatea ri bagia Yudea. Ia tona nabelo bo pokaingguna nanoa. Ia nantongoraka tempona Alatala moparenta mpo Magau. Ia saito lako ri Polibu Mbaso Agama Yahudi tapi ledo nasituju ia ante potangara bo poviara nompatesi i Yesus.

Lukas 9:26

Isema-sema maeya matana manguli ia topangoseaka Yaku bo maeya matana nte pepatudukiKu, Yaku muni maeya mataKu manguli ia topangoseaka Yaku tempo Yaku meonga lako ri suruga. Yaku, Ana nu Manusia, manau ante reme bo kuasaKu bo kuasa nTuamaKu bo malaeka-malaekaNa nagasa.

Yohanes 13:20

Pariaramo tesaKu hitu, isema-sema nantarima tona nituduKu, nitarimana muni Yaku. Bo isema-sema nantarima Yaku, nitarimana muni TuamaKu anu nantudu Yaku.”

Yohanes 17:20

“Ledo aga anaguruKu hitu Kuposambayaka, tapi Kuposambayaka muni pura-pura tona anu majadi topomparasaya Yaku bara maipia sabana raepera tesa-tesa rapatolele nu anaguruKu hitu.

Yohanes 17:8

Apa nitesaKu ka ira puramo tesa niuliMiu ka Yaku, bo tesa-tesa haitu nitarimara puramo. Tata, nisanira Yaku mpuu-mpuu nakava lako nte Komiu, bo niparasayara Komiu nantudu Yaku.

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Yohanes 6:63

Kuasa nu manusia ledo mompakule nombadekei katuvua nabelo, aga Nosa Gasa nu Alatala. Tesa-tesa niuliKu ka komiu, nakava lako ri Nosa Gasa bo tesa-tesa haitumo nombadekei katuvua nabelo.

Yohanes 6:68

Nesana i Simon Petrus, “Pue, nte isema rakalau kami? Aga Komiu nombatesa tesa anu nombadekei katuvua mabelo sampe ri kasae-saena.

Suro-Suro 10:2

I Kornelius natundu nte Alatala. Naupa ira ledo toYahudi tapi ira sambanua netupu nte Alatala. Ia nasaro nantulungi toYahudi anu napakasi, bo ia nasaro nosambaya ka Alatala.

Suro-Suro 10:21

Jadi nanaumo i Petrus hau ri tambena bo nangulika tona tatalu haitu, “Yakumo hii tona nielomiu. Nuapa paraluumiu nte yaku?”

Suro-Suro 10:30

Nesanamo i Kornelius, “Talu-mbongi naliu, nitasere jaa ivehitu muni, tinti tatalu ede eo, yaku nosambaya ri banuaku. Sampesanika naria saito malaeka nikitaku neangga ri ngayoku. Pakeana nenggila-nggila.

Suro-Suro 10:33

Haitumo sampe nitudukumo nasalisa tona hau mangulika komiu tumai. Nabelo mpuu raramiu nakava tumai. Hitupa kami nasiromu puramo ri panggita nu Alatala, ala raepe kami pura-pura anu niuliNa ratesamiu ka kami.”

Suro-Suro 10:6

Ia nesai ri banua ntopokarajaa kulimba anu nosanga i Simon, anu nonturo ri talinti.”

Suro-Suro 11:14

Raulina ka iko berimba komiu sambanua mamala rapakasalama.’ ”

Suro-Suro 22:12

Ri Damsyik naria tona nosanga i Ananias. Ia tona nanoa bo natutu nangoseaka Atura-atura agama anu nipapola Nabi Musa. Pura-pura toYahudi nonturo ri ngata Damsyik mpuu-mpuu nombabila ia.

Suro-Suro 24:15

Yaku nasimbayu ante toYahudi gahitu, yaku muni nanjarumaka Alatala mompakatuvu pura-pura tona lako ri kamatera, tona nanoa bo muni tona nadaa.

Suro-Suro 6:3

Jadi aginapa rapelisimiu papitu tona lako nte komiu mboto radekeika bago haitu. Pelisimo tona nabelo sangana, nanoto, bo nikuasai Nosa Gasa nu Alatala, bo pura-pura bago haitu radekei kami ka ira.

Roma 1:17

Kareba Belo nompopaisani dala ka kita majadi manoa ri panggita nu Alatala, haitumo momparasaya i Yesus. Ledo ria dala ntanina, aga momparasaya lako ri pantepuuna sampe ri kaupuna. Apa nitulisi ri Buku Gasa ivei: <>

2 Korintus 5:18

Alatalamo anu nompakajadi pura-pura haitu. NipoposinggabeloNa kita nte Ia ante kamate i Kristus. Bo niparasayaNa ka kami pokarajaa mompatolele kareba posinggabelo ka tona ntanina ala ira muni mamala mosinggabelo nte Ia.

1 Timotius 3:7

Tona najadi pakeni kana rareke tona nabelo ri panggita ntodea ledo topomparasaya. Apa ane ledo ivesia, tantu ia rasalai ntona sampe Magau nu Seta mompakanavu ia.

Ibrani 10:38

Bo todeaKu anu nanoa ri panggitaKu, iramo matuvu mabelo sabana pomparasayara. Tapi ane moura ira, domo Kupodamba.” Habakuk 2:3-4

Ibrani 11:2

Lako ri pomparasaya ntona nggaulu, ira nipodamba nu Alatala.

Ibrani 12:23

Bo komiu nantingayo todea topomparasaya Alatala. Ira nireke ana-ana lumbua nu Alatala bo sanga-sangara nitulisi riara buku nu Alatala ri suruga. Komiu nantingayo Alatala, Topotangara pura-pura manusia. Bo komiu nantingayo nyawa-nyawa ntona nanoa anu namatemo, anu najadi nagasa.

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

3 Yohanes 1:12

Pura-pura tona nantoiya i Demetrius. Lako ri pokaingguna nanoa, nisaniramo ia nangoseaka pepatuduki nakana. Kami muni nantoiya ia, bo nisanimu nuapa-nuapa niuli kami, namala raparasaya.

Pompakita 14:10

tona haitu rapokarau nu Alatala bo ledo ntoto rakurangiNa pehuku ka ira! Pehuku haitu nirapaka tona nipainu panginu napai mpuu, bo ledo niposigalo ante uve! Ira pura-pura rapandasa riara apu bo vatu-vatu colonggata narega ri panggita malaeka-malaeka nagasa bo Ana Bimba.