Suro-Suro 10:14 - Kaili Ledo

¹⁴ Tapi nesana i Petrus, “Ledaku, Pue! Dopa sanggani nikandeku anu nipopali bara anu naruto nantuntuni Atura agama!”

Suro-Suro 10:14 ပူးပေါင်းရင်းမြစ်များ

Matius 15:11

Anu nesua ri sumba ledo mompakaruto manusia ri panggita nu Alatala. Tapi anu nesuvu lako ri sumba, haitumo anu nompakaruto manusia ri panggita nu Alatala!”

Matius 16:22

Nangepe tesa haitu, i Petrus nompakeni i Yesus notesa ri sabinggana. Pade nionteakana i Yesus bo nanguli, “Nee! Nee, Pue! Nee sampe anu haitu majadi nte Komiu!”

Matius 25:9

Nesana randaa nanoto, ‘Ledo magana ngena lana raisi ri poindo kami ane radekei ka komiu sanu. Aginapa komiu mangali lana nte topobalu lana.’

Matius 8:2

Tempo haitu nakavamo saito tona nadua oge nantaputu ri ngayo i Yesus, bo nanguli, “Pue, ane madota Komiu, Komiu nompakule mompakabelo yaku.”

Markus 7:2

Nikitara bara sako-ndua anaguru i Yesus nangande mpale, bo palera nireke naruto apa ledo nemanjo nantuntuni ada ntoFarisi.

Lukas 1:60

tapi nanguli tinana, “Nemo! Ia kana rapoposanga i Yohanes.”

Yohanes 4:11

Naupu haitu nanguli vaimo mombine haitu, “Berimbamo? I Yakub totua kami nggaulu, nokae buvu hitu. Bo kami nikabolina. Ia mboto nanginu uve lako ri buvu hitu bo ivesia muni ana-anana bo binata-binata nipiarana. Naogepa Komiu pade i Yakub? Ledo ria posibuMiu raposibu uve, bo buvu nandala mpuu. Lako ri umba rapangalaMiu uve anu mombadekei katuvua mabelo nitesaMiu tutu?”

Suro-Suro 10:13

Pade naria suara nanguli ka ia, “Petrus, peanggamo! Sambalemo binata-binata hitu bo kandemo!”

Suro-Suro 10:28

bo niulikana ira, “Sampesuvu-sampesuvu, nisanimiu mboto, nantuntuni Atura agama Yahudi, kami toYahudi nitagi mosimporoa atau mompanjayo tona ledo toYahudi. Tapi Alatala nompakalanto ka yaku riara anu nipopakitaNa ka yaku, ledo mamala kuuli sanu manusia naruto atau ledo mamala kuporoa, sabana Alatala nantarima pura-pura manusia.

Suro-Suro 22:8

Yaku nekutana, ‘Isema komiu, Tua?’ Nesana suara haitu, ‘Yakumo hii i Yesus toNazaret nipandasamu!’

Suro-Suro 9:5

Nekutana i Saulus, “Isema komiu, tua?” Nesana topotesa haitu, “Yakumo i Yesus, tona nipandasamu.