Suro-Suro 1:8 - Kaili Ledo

⁸ Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 1:8 ပူးပေါင်းရင်းမြစ်များ

Matius 24:14

Bo Kareba Belo nu Poparenta nu Alatala kana rapatolele ri njumangu dunia ala pura-pura manusia mamala mangepena. Maupu haitu, pade makava kaupu nu dunia.”

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Markus 16:15

NiulikaNa ira, <

Lukas 1:35

Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.

Lukas 10:19

Jadi, pariaramo! Yaku mombadekei kuasa ka komiu ala rapakulemiu mombajeje ule bo supitole bo mombadagi pura-pura karoso nu balita, bo ledo ria nuapa-nuapa mamala mombakuyasi komiu.

Lukas 24:29

Tapi ira nompopetaa Ia. “Mesai ri sii ante kamimo ruru, apa nanggoviamo, masolomo eo.” Jadi i Yesus nesua nosanggani ante ira hau rabanua.

Yohanes 15:27

Bo komiu muni mompopaisani Yaku ka todea sabana komiu nosanggani-nggani ante Yaku lako ri pamula panggaviaKu ri dunia hitu.”

Suro-Suro 1:5

Toramo! I Yohanes nombadiu tona ante uve, tandana ira najea lako ri dosara. Tapi bara sako-eopa komiu radiu ante Nosa Gasamo.”

Suro-Suro 13:31

Bara sakuya eo kasaena, nadea ngganina i Yesus nompopakita karoNa ka tona anu nantuntuni Ia lako ri bagia Galilea hau ri ngata Yerusalem. Ira haitumo anu sii-sii najadi sabi-sabiNa ka todea toIsrael.

Suro-Suro 2:32

I Yesusmo hii niuli i Daud pangane, sabana Iamo tona nipakatuvu nu Alatala mpanjili. Kami pura-pura hii najadi sabiNa, sabana kami mboto nanggita i Yesus natuvu mpanjili.

Suro-Suro 22:15

Iko majadi sabiNa ka pura-pura tona bo mupatolele anu nikitamu bo anu niepemu.

Suro-Suro 3:15

Komiumo nombatudu tona nompatesi Ia, tano Iamo topombadekei katuvu nabelo sampe ri kasae-saena ka manusia. Bo Alatala nompakatuvu mpanjili Ia lako ri kamateNa. Kami najadi sabiNa, sabana kami mboto nanggita i Yesus natuvu mpanjili.

Suro-Suro 4:33

Suro-suro ledo naupu-upu nompatolele kareba i Pue Yesus natuvu mpanjili, bo naroso mpuu tesara. Bo Alatala nabelo mpuu nte ira pura-pura.

Suro-Suro 5:32

Kamimo hii sabina pura-pura kajadia haitu, kami bo Nosa Gasa anu nidekei nu Alatala ka pura-pura topangoseaka parentaNa.”

Suro-Suro 6:8

I Stefanus mpuu-mpuu nipobelo nu Alatala. Bo naria kuasa nu Alatala nte ia sampe nadea kabaraka bo tanda nipokumaaka nipoviana ri ngayo ntodea.

Suro-Suro 8:1

I Saulus nadamba apa i Stefanus nipatesira. Nompamula eo haitu todea topangoseaka i Yesus ri ngata Yerusalem mpuu-mpuu nipandasa ntoYahudi sampe ira nasimpotare hau ri njumangu ngata ri bagia Yudea bo Samaria. Aga suro-suro i Yesus ledo nalai.

Roma 10:18

Tapi berimbamo? Dopa niepe ntoYahudi Kareba Belo? Natantu nieperamo apa nitulisi riara Buku Gasa ivei: <> Mazmur 19:5

Roma 15:19

bo sabana kabaraka-kabaraka bo tanda-tanda nipokumaaka nipoviaku ante kuasa Nosa Gasa. Lako ri ngata Yerusalem sampe ri tana Ilirikum, nipatoleleku pura-pura Kareba Belo i Yesus Kristus ka tona.

Kolose 1:23

Jadi komiu kana batena momparasaya bo nee molengga-lengga. Nee radekei tona mombabagiu komiu. Nee menonto manjarumaka anu nijanji nu Alatala ka komiu riara Kareba Belo. Kareba Belo haitu niepemiumo bo nipatolele sampe ri njumangu dunia. Bo yaku muni, i Paulus, nianggataka najadi topompatolele Kareba haitu.