Suro-Suro 1:2 - Kaili Ledo

^2-3 sampe Ia neore hau ri suruga. Naliu Ia namate bo natuvu mpanjili, Ia nasaro nompopakita karoNa ka suro-suroNa nipelisiNa bara ipia, ala rasanira Ia mpuu-mpuu natuvu mpanjili. Riara tempo patapulu bongina nikitara mpuumo Ia, bo Ia nombatesa Poparenta nu Alatala ka ira. Dopame Ia hau ri suruga, nidekeiNa parenta-parenta ka suro-suroNa ante kuasa Nosa Gasa.

Suro-Suro 1:2 ပူးပေါင်းရင်းမြစ်များ

Matius 12:28

Yaku nompopalai seta-seta ante kuasa Nosa Gasa nu Alatala. Bo haitu nompopakita ka komiu Alatala nompamulamo nomparenta ri tatangamiu!

Matius 3:16

Naupu nidiu, nesoremo i Yesus lako ri uve. Bo eva nisuka tempona haitu muni langi natebuka bo nikitaNa Nosa Gasa nu Alatala nolenje mpo tonji banggebodo nanau bo netuu nte Ia.

Markus 6:30

Anaguru i Yesus nanjili lako nompatolele Kareba Belo, bo nasiromu mpanjili nte i Yesus bo notesa pura-pura anu nipoviara bo nipatudukikara.

Lukas 24:51

Da nosambaya, nolanggamo i Yesus lako ri ngayora, bo neore hau ri suruga.

Lukas 9:51

Naparamo tempona i Yesus meore hau ri suruga, nipakatantuNamo Ia kana hau ri ngata Yerusalem.

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Yohanes 13:1

Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 13:18

Anu niuliKu pangane ledo nambela komiu pura-pura. NisaniKu mamimo tona nipelisiKu, bo kana rapakadupa anu nitulisi riara Buku Gasa ivei: ‘Tona nangande nosanggani-nggani ante Yaku, iamo najadi baliKu.’

Yohanes 13:3

Nisani i Yesus TuamaNa Alatala nombadekei pura-pura kuasa ka Ia. Bo nisaniNa muni Ia nakava lako nte Alatala bo Ia manjili hau nte Alatala.

Yohanes 16:28

Yaku nakava lako nte TuamaKu tumai ri dunia hitu. Hitupa Kupalaisi dunia hitu bo manjili hau nte TuamaKu.”

Yohanes 17:13

Sii-sii Yaku tou nte Komiu, Tata. Pura-pura anu niuliKu hitu nitesaKu ka anaguruKu tempo Yaku da naria ri sii ri dunia, ala ira mpuu-mpuu madamba nasimbayu mpo Yaku mpuu-mpuu nadamba.

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Yohanes 20:21

Nanguli vaimo i Yesus, “Kuperapi Alatala mompakatinonto raramiu! Yaku mombasuro komiu, nasimbayu mpo TuamaKu nombasuro Yaku.”

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Yohanes 6:62

Natantu nau rakitamiu Yaku, Ana nu Manusia meore mpanjili hau ri ponturoKu pamulana, dopa muni raparasayamiu.

Yohanes 6:70

Nesana i Yesus, “Yaku mbotomo nompelisi komiu sapulu randua tutu. Tapi naupa ivesia, naria saito komiu nipopale nu Magau Seta!”

Suro-Suro 1:11

Nanguli malaeka haitu, “Heh, toGalilea! Nakuya komiu aga neangga ri sii, nantingoa langi? I Yesus anu nikitamiu pangane neore rou ri surugamo. Ivesia muni Ia manjili lako ri suruga tumai ri dunia, nasimbayu mpo nikitamiu pangane.”

Suro-Suro 1:13

Nakava ri Yerusalem, hau ira ri banua ponturora bo nompene ri tombi kalangana. Sanga nu suro-suro haitu iamo: i Petrus, i Yohanes, i Yakobus, i Andreas, i Filipus, i Tomas, i Bartolomeus, i Matius, i Yakobus ana Alfeus, i Simon Zelot topangeva pomarenta, bo i Yudas ana Yakobus.

Suro-Suro 1:9

Naupu i Yesus nanguli ivehaitu, neoremo Ia lako ri ngayora hau ri suruga. Ira nantingoa nangganoto Ia sampe nalipo lako ri panggitara, sabana kulimu nombabungu Ia.

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Galatia 1:1

Sampesuvu-sampesuvu sampomparasaya i Yesus anu nasiromu ri umba-umba ri propinsi Galatia: Sura hitu lako nte yaku i Paulus, suro i Yesus Kristus. Yaku ledo nisuro nu manusia bo ledo muni nianggataka nu manusia majadi suro. Tapi yaku nianggataka i Yesus Kristus mboto bo Tuamata Alatala anu nompakatuvu Ia mpanjili lako ri kamateNa. Nadea tabe lako nte yaku, i Paulus, bo lako nte pura-pura sampesuvuta sampomparasaya anu nosanggani-nggani ante yaku ri sii.

Efesus 2:20

Kita topomparasaya i Kristus nirapaka gana-gana nu banua nibangu nu Alatala. Suro-suro i Kristus bo nabi-nabi nirapaka pandasi nu banua haitu. I Yesus Kristus nirapaka vatu nu pandasi anu nelabi nopoko.

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.

1 Petrus 3:22

Bo i Yesus neore hau ri suruga bo sii-sii nonturo ri ponturo nibila ri panggana nu Alatala bo nomparenta nosanggani-nggani nte Ia. Bo pura-pura malaeka bo topoparenta bo tonakuasa ri laerava natundu nte Ia.

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

Pompakita 1:1

Isi buku hitu notesaki kajadia-kajadia anu majadi bara maipia, anu nipopaisani nu Alatala ka i Yesus Kristus. I Yesus nitudu nu Alatala mompopaisani kajadia haitu ka topangoseaka Ia ala rasanira anu domo masae majadimo. Jadi i Yesus nombatudu malaekaNa hau mompopaisani anu majadi haitu ka batuaNa i Yohanes.

Pompakita 2:11

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi ledo ntoto mambela pehuku anu niuli kamatea karongganina.”

Pompakita 2:17

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi, Kudekei ka ia roti Manna anu nitabuniaka. Bo Kudekei muni vatu nabula simbo sangu ka ira. Ri vatu nabula haitu nitulisi sanga nabaru anu ledo ntoto nisani ntona ntanina, aga tona mantarima vatu nabula haitu mangisanina.”

Pompakita 2:29

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata.”

Pompakita 2:7

Isema-sema naria talingana epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata. Isema-sema padagi kana Kudekei mangande vua lako ri Kayu Katuvua anu naria riara Pampa nu Alatala ri suruga.”

Pompakita 21:14

Tembo ngata haitu nipopeangga ri bavo sapulu rolonta vatu pandasi bo ri vatu pandasi haitu naria nitulisi sanga sapulu randua suro nu Ana Bimba.

Pompakita 3:13

Isema-sema naria talingana, epemo pakabelo-belo anu niuli Nosa Gasa nu Alatala ka todea topomparasaya ri umba-umba ngata.”

Pompakita 3:16

Tapi komiu aga netanggode, ledo nompoara, ledo nompoiyo. Sabana haitu Kuteveulusaka komiu lako ri ngangaKu.

Pompakita 3:22

Isema-sema naria talingana, epemo pakabelo-belo anu nitesa Nosa Gasa nu Alatala ka todea topomparasaya ri umba-umba ngata.”