Suro-Suro 1:15 - Kaili Ledo

¹⁵ Naria saeo, nitasere saatu ropulu kadeara nasiromu. Neanggamo i Petrus ri tatanga nu sampesuvu sampomparasaya bo nanguli,

Suro-Suro 1:15 ပူးပေါင်းရင်းမြစ်များ

Matius 13:31

Pade naria porapa ntanina nitesa i Yesus ka todea ivei: “Poparenta nu Alatala namala nirapaka batu mandoe anu niala ntona bo nitudana ri taluana.

Lukas 22:32

Tapi niposambayaKukamo iko, Simon, ala pomparasayamu ledo moura. Jadi maupu iko rapesori bo muoseaka mpanjili Yaku, iko kana mompakaroso pomparasaya nu roamu.”

Yohanes 14:12

Pariaramo tesaKu hitu, isema-sema nomparasaya Yaku, mamala movia anu nipoviaKu. Bo ledo aga haitu, madeapa vai rapoviana pade anu nipoviaKu, sabana Yaku hau manjili nte TuamaKu.

Yohanes 21:23

Lako rahaitu natolelemo kareba ka topomparasaya i Yesus nanguli anaguru nipotoveNa haitu ledo mamate. Tapi ledo ivesia tesa i Yesus. Ivei niuliNa: “Ane rapana Yaku madota ia matuvu sampe Yaku makava mpanjili ri dunia hitu, haitu ledo paraluu musani.”

Suro-Suro 10:23

Naupu haitu i Petrus nombaunaka ira maturu ri banua niponturona sambongi. Jadipa naturumo ira. Naeo mpadondo, haumo i Petrus nosanggani-nggani ante ira, bo bara sako-ndua topomparasaya lako ri ngata Yope nantuntuni ira.

Suro-Suro 11:1

Suro-suro i Pue Yesus bo topomparasaya ri njumangu bagia Yudea, nangepe tona ledo noagama Yahudi nomparasaya tesa nu Alatala munimo.

Suro-Suro 11:12

Bo Nosa Gasa nu Alatala nantudu yaku hau nosanggani-nggani ante ira bo nee makaja raraku. Jadi haumo yaku. Aono sampesuvu sampomparasaya lako ri ngata Yope nantuntuni yaku hau ri ngata Kaisarea, bo kami pura-pura nesua rabanua i Kornelius.

Suro-Suro 11:26

Nosinggavapa ia ante i Saulus, haumo ira randua ri ngata Antiokhia. I Barnabas bo i Saulus nonturo sumai sampae kasaena. Ira nasaro nasiromu nosanggani-nggani nte todea topomparasaya bo nadea mpuu tona nipatudukira. Ri ngata Antiokhia haitumo topangoseaka i Yesus pamula-mulana niuli toKristen.

Suro-Suro 11:29

Nangepe haitu, pura-pura topangoseaka i Yesus ri Antiokhia, nasintuvu mompakatu petulungi ka sampesuvura sampomparasaya anu nonturo ri bagia Yudea. Ira nombadekei nantuntuni pompakulera saito-saito.

Suro-Suro 12:17

bo nanganggataka palena ala malino pura ira, pade nitesakana ira malaeka nTupu anu nanggeni ia nesuvu lako riara ntarunggu. Bo niulina muni, “Uli kajadia hitu ka i Yakobus bo ka sampesuvuta ntanina.” Naupu sia nalaimo i Petrus hau ri ponturo santanina.

Suro-Suro 14:2

Tapi toYahudi anu ledo nadota nomparasaya, aga nompakapane rara ntona ntanina ledo toYahudi sampe navuu matara nanggita topangoseaka i Yesus.

Suro-Suro 15:1

Naria bara sako-ndua toYahudi nakava ri Antiokhia lako ri bagia Yudea anu nomparasaya i Yesus. Ira nompatuduki topangoseaka i Yesus ri sia ivei: “Ane komiu ledo rasuna nantuntuni Atura-atura nipapola Nabi Musa, komiu ledo mamala rapakasalama.”

Suro-Suro 15:3

Todea topomparasaya ri ngata Antiokhia nanggeni gi Paulus sampe nakava ri savaliku ngata. Lako ri ngata haitu ira noliu ri propinsi Fenisia bo bagia Samaria. Bo nitesara munimo ka topomparasaya ri sia nadea tona ledo toYahudi nombakabasaka pomparasayara nggaulu ala mangoseaka Alatala. Kareba haitu mpuu-mpuu nompakadamba rara ntopomparasaya ri sia.

Suro-Suro 16:2

I Timotius nitoiya ntopomparasaya ri ngata Listra bo Ikonium pura-pura.

Suro-Suro 16:40

Jadi i Paulus bo i Silas nompalaisi tarunggu bo hau ri banua i Lidia. Ri sia ira nasiromu ante topangoseaka i Yesus bo nompakaroso rarara. Naupu haitu nalaimo ira lako ri ngata Filipi.

Suro-Suro 17:10

Bongina haitu topomparasaya ri ngata Tesalonika nantudu i Paulus bo i Silas hau ri ngata Berea. Nakava sumai, hau ira nesua ri banua petupu ntoYahudi.

Suro-Suro 17:14

Jadi topomparasaya ri ngata Berea nasalisa nanggeni i Paulus nesuvu lako ri ngata Berea hau ri bivi ntalinti. Tapi i Silas bo i Timotius da naboli ri ngata Berea.

Suro-Suro 17:6

Tapi ledo nikavara i Paulus bo i Silas ri sia. Jadi niumbunjairamo i Yason bo bara sako-ndua topomparasaya ntanina ri sia hau ri ngayo ntopoparenta-topoparenta ngata bo nongare, “I Paulus bo i Silas haitu nompakagado tona ri umba-umba dunia! Sii-sii ira nakava nompakagado ngatata hitu muni!

Suro-Suro 18:18

Naliu haitu, da nadeapa mbongina i Paulus nonturo ri ngata Korintus, pade nopalakana nte topomparasaya hamai bo nesavi kapala ri pesampo Kengkrea hau ri propinsi Siria, nosanggani-nggani ante i Priskila bo i Akwila. Dopame ira nesavi kapala, i Paulus nombagausi buluana anu nipalambana mandoe nantuntuni ada ntoYahudi, sabana naria anu nijanjina ka Alatala.

Suro-Suro 18:27

Naliu haitu, i Apolos nonia hau ri propinsi Akhaya. Jadi topangoseaka i Yesus ri ngata Efesus nantulungi ia bo nompakatu sura ka topomparasaya ri propinsi Akhaya ala ira madota mantarima i Apolos sumai. Nadea tona ri propinsi Akhaya najadi topangoseaka i Yesus sabana kabelo nu Alatala, bo pepatuduki i Apolos mpuu-mpuu nantulungi ira.

Suro-Suro 21:17

Nakava kami ri ngata Yerusalem, topomparasaya ri sia nantarima kami ante damba rara.

Suro-Suro 21:20

Naupu nangepe tesa i Paulus, i Yakobus ante pakeni-pakeni ntanina, nantoiya Alatala. Niulira ka i Paulus, “Sampesuvu, kana rasanimiu nonjobu-njobumo toYahudi nomparasaya i Yesus, tapi ira pura-pura da batena nangoseaka Atura-atura agama anu nipapola Nabi Musa.

Suro-Suro 21:7

Lako ri ngata Tirus haitu, kami nokapala sampe nakava ri ngata Ptolemais. Ri sia kami hau mosisani nte topangoseaka i Yesus bo mompapola tabe. Bo kami naturu nte ira sambongi.

Suro-Suro 22:5

Pakeni nTopanggeni Pesomba mboto bo pura-pura toPolibu Mbaso Agama Yahudi mamala mombasabiki tesaku hitu nakana. Apa ira mbotomo nombadekei ka yaku sura rakeni ka toYahudi ri ngata Damsyik. Sura haitu nombadekei kuasa ka yaku ala yaku mamala mombasaka topomparasaya pepatuduki i Yesus sumai bo manggeni ira tumai ri ngata Yerusalem bo rahuku.”

Suro-Suro 28:14

Ri sia kami nosintomu ante bara sako-ndua sampesuvu sampomparasaya, bo nikenira kami hau monturo ante ira pitu-mbongi kasaena. Naupu haitu, napolamo kami hau ri ngata Roma.

1 Korintus 15:6

Bo naupu haitu nipopakitaNa karoNa ka salunu topangoseaka Ia nelabi lima-atu tona kadeana. Nau bara sako-ndua ira namatemo, deanapa ira da natuvu sampe sii-sii.

Pompakita 11:13

Eva nisuka, ri tempo haitu muni najadimo lingu mbaso. Bo nageromo sabagia lako ri sapulu bagia ngata mbaso haitu, bo pitu-njobu tona namate sabana lingu mbaso haitu. Nanggita haitu naviora mpuumo rara ntona da natuvu ri sia, bo niulira, “Nambaso mpuu kuasa nu Alatala anu naria ri suruga!”

Pompakita 3:4

Tapi da nariapa nte komiu ri ngata Sardis bara sako-ndua tona nombajagai pakeara sampe ledo natapa. Iramo anu mamala molipa mosanggani-nggani ante Yaku mopakea mputi, sabana iramo anu masipato molipa ante Yaku.