Suro-Suro 1:14 - Kaili Ledo

¹⁴ Ira nasaro nasiromu nosangu rara nosambaya. I Maria tina Yesus, ante bara sako-ndua mombine ntanina, bo sampesuvu-sampesuvu i Yesus nasiromu muni nosambaya nosanggani-nggani ante ira.

Suro-Suro 1:14 ပူးပေါင်းရင်းမြစ်များ

Matius 12:46

Tempo i Yesus da notesa-tesa ka todea haitu, nakavamo tinaNa bo sampesuvuNa. Ira neangga ri savalikuna madota motesa ante Ia.

Matius 21:22

Ane komiu momparasaya Alatala, nuapa-nuapa raperapimiu riara mposambayamiu majadi mpuu.”

Matius 27:55

Nadea mombine neangga nakavao sakide nantara kajadia-kajadia haitu. Iramo mombine-mombine anu nangoseaka i Yesus bo nantulungi Ia nompamula lako ri pokarajaaNa ri bagia Galilea.

Markus 15:40

Naria muni bara sako-ndua mombine neangga nompeintaka nggavao. Ri tatangara muni naria i Maria Magdalena, i Maria tina i Yoses bo i Yakobus muda. Bo naria muni i Salome.

Markus 16:1

Naliupa eo penonto, hau i Maria Magdalena, i Maria tina Yakobus, nosanggani ante i Salome nangali rampa-rampa navangi rakenira rapolanaira karobata i Yesus.

Lukas 11:13

Naupa komiu tona nadosa, nisanimiu nombadekei anu nabelo ka anamiu. Nemopa Tuamata ri suruga. Ia mpuu-mpuu mombadekei Nosa GasaNa ka isema-sema merapi nte Ia.”

Lukas 18:1

Naupu haitu i Yesus nompatuduki anaguruNa ante notesa sangu porapa ala ira masaro mosambaya bo nee masau rara.

Lukas 23:49

Pura-pura roa i Yesus bo mombine anu nosanggani nte Ia lako ri bagia Galilea, neangga nggavao nompeintaka pura-pura anu najadi haitu.

Lukas 23:55

Mombine nomporoa i Yesus lako ri bagia Galilea, hau nantuntuni i Yusuf manggita dayo. Nikitara muni berimba karobata i Yesus niboli riara dayo.

Lukas 24:10

Mombine pangane iamo: i Maria Magdalena, i Yohana, i Maria tina Yakobus, ante mombine-mombine ntanina. Nitesara pura-pura anu najadi pangane ka anaguruNa,

Lukas 24:33

Jadi jaa haitu munimo ira nanjili hau ri ngata Yerusalem. Hamai nikavara anaguru i Yesus sapulu saitopa nasiromu ante tona ntanina.

Lukas 24:53

Ira naria njuu ri Banua nu Alatala nombatoiya Alatala.

Lukas 8:20

Naria saito tona nanguli ka i Yesus, “Guru, tinaMiu ante sampesuvu-sampesuvuMiu ria ri savalikuna. Ira madota mosinggava nte Komiu.”

Suro-Suro 2:1

Nanggava eo mbaso ntoYahudi anu niuli Eo Pentakosta, pura-pura topangoseaka i Yesus ri sia nasiromu ri sangu banua.

Suro-Suro 2:42

Topangoseaka i Yesus nabaru haitu natutu mpuu nangepe pepatuduki nu suro-suro, bo ira nasaro nasiromu nosanggani-nggani. Ira nasaro nangande nosanggani-nggani nombatubi roti mantora kamate i Yesus, bo nosambaya nosanggani-nggani.

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Suro-Suro 6:4

Bo ivesiamo kami suro-suro mamala mombatui bago kami mboto, haitumo mosambaya ka Alatala bo mompatolele tesaNa.”

Roma 12:12

Kana madamba raramiu sabana komiu nanjarumaka anu rapovia nTupu ka komiu. Kana mosabara tempo masusa. Nee masau raramiu mosambaya.

1 Korintus 14:13

Haitumo sampe niuliku ka komiu: isema-sema nompake basa-basa nopuna lako nte Nosa Gasa kana mosambaya bo merapi ala ia radekeika pompakule mombabatuasi tesa-tesa haitu ala rasani nu roa batua ntesana.

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Kolose 4:2

Nee masau raramiu mosambaya. Pekiri pakabelo anu raulimiu ka Tupu, bo masaro manguli tarima kasi nte Ia.