Suro-Suro 1:13 - Kaili Ledo

¹³ Nakava ri Yerusalem, hau ira ri banua ponturora bo nompene ri tombi kalangana. Sanga nu suro-suro haitu iamo: i Petrus, i Yohanes, i Yakobus, i Andreas, i Filipus, i Tomas, i Bartolomeus, i Matius, i Yakobus ana Alfeus, i Simon Zelot topangeva pomarenta, bo i Yudas ana Yakobus.

Suro-Suro 1:13 ပူးပေါင်းရင်းမြစ်များ

Matius 9:9

Naupu haitu nalaimo i Yesus lako ri sia. Nolipa-lipamo Ia, nikitaNa saito topesingara balasitee nonturo riara kantoro ntopesingara balasitee. Sangana i Matius. Nanguli i Yesus ka ia, “Kaimo! Oseakamo Yaku!” Nangepe haitu neanggamo i Matius bo hau nangoseaka i Yesus.

Markus 14:15

Bo tupu banua haitu mombatuduaka ka komiu sangu tombi mbaso ri kalangana. Tombi haitu nasiayumo, naria puramo gana. Pasadiamo kandea Paskah hamai ka kita.>>

Markus 14:33

NikeniNa i Petrus, i Yakobus bo i Yohanes hau mosanggani nte Ia. Nasusa bo napari mpuu raraNa.

Markus 2:14

Naupu haitu, tempo i Yesus noliu ri ngata haitu, nikitaNa saito topesingara balasitee nosanga i Lewi, ana i Alfeus, nonturo ri kantoro ntopesingara balasitee. Nanguli i Yesus ka i Lewi, <> Kaliu-liu neangga i Lewi bo hau nangoseaka i Yesus.

Markus 5:37

Bo ledo nidekei i Yesus tona dea mantuntuni Ia hau ri banua i Yairus. Aga i Petrus, i Yakobus bo i Yohanes nidekeiNa hau mosanggani nte Ia.

Markus 9:2

Ono-mbongi kaliuna haitu, i Yesus nanggeni i Petrus, i Yakobus bo i Yohanes nosanggani-nggani nantende hau ri bulu nalanga. Aga i Yesus ante ira tatalu hamai. Tempo ira hamai, nikitara nabalimo lenje i Yesus ri ngayora.

Lukas 22:12

Bo tupu banua haitu mombatuduaka ka komiu sangu tombi mbaso ri kalangana nagana ante parevana. Ri siamo rapompakasadiamiu kandea Paskah ka kita.”

Yohanes 11:16

Bo i Tomas anu nidae “Ngana Rapi” nanguli ka roa-roana anaguru i Yesus, “Anumo, kita mangoseaka Ia ala kita muni mamate mosanggani-nggani ante Ia.”

Yohanes 14:22

Bo nekutana i Yudas (ledo i Yudas Iskariot), “Pue, nuapa sabana Komiu aga mompopaisani karoMiu ka kami, ledo ka pura-pura manusia ri dunia?”

Yohanes 18:17

Nesuapa i Petrus, nangulimo mombine nojaga bobaa haitu, “Apa ledo iko muni saito anaguruNa tano?” Nesana i Petrus, “Ledo!”

Yohanes 21:2

Bara sako-ndua anaguru i Yesus nasiromu ri sia, haitumo i Simon Petrus, i Tomas anu nidae “Ngana Rapi”, i Natanael lako ri ngata Kana ri bagia Galilea, bo randua ana i Zebedeus, bo randua anaguruNa ntanina.

Suro-Suro 12:17

bo nanganggataka palena ala malino pura ira, pade nitesakana ira malaeka nTupu anu nanggeni ia nesuvu lako riara ntarunggu. Bo niulina muni, “Uli kajadia hitu ka i Yakobus bo ka sampesuvuta ntanina.” Naupu sia nalaimo i Petrus hau ri ponturo santanina.

Suro-Suro 15:13

Naupu ira notesa, nangulimo i Yakobus, “Sampesuvu-sampesuvu. Epemo tesaku!

Suro-Suro 2:14

Nangepe tesa ntona haitu, neanggamo i Petrus nosanggani-nggani ante sapulu saito suro ntanina, bo notesamo ia ka todea ante suara namangga. Niulina, “Sampesuvu-sampesuvuku toYahudi, bo pura-pura toponturo ri ngata Yerusalem! Epemo pakabelo-belo, kupakalanto ka komiu batuana anu najadi ri sii pangane.

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Suro-Suro 20:8

Tombi nikasiromu kami haitu, ri tombi katatalu-unjuna. Nadea poindo nitunju ri sia.

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

Suro-Suro 4:19

Tapi nesana i Petrus bo i Yohanes, “Pekirimiu mbotomo mbana masipato rapovia kami ri panggita nu Alatala, mangoseaka parentamiu atau mangoseaka parenta nu Alatala.

1 Korintus 15:7

Naupu haitu nipopakitaNa karoNa ka i Yakobus, bo ka pura-pura tona najadi suroNa.

Galatia 1:19

Tapi yaku ledo nanggita suro-suro ntanina, aga i Yakobus tuei i Pue Yesus.

Galatia 2:9

I Yakobus, i Petrus bo i Yohanes, nireke pakeni ntodea topomparasaya i Yesus ri Yerusalem. Nikitara Alatala nombadekei pokarajaa nabelo ka yaku, haitumo majadi suroNa. Jadi ira nosijoko pale ante kami bo i Barnabas. Haitumo tandana kami pura-pura roa sampobago nanggeni Kareba Belo. Kami pura-pura nasituju ala kami bo i Barnabas manggeni Kareba Belo ka tona ledo toYahudi bo ira manggeni Kareba Belo ka toYahudi.

Yakobus 1:1

Sura hitu lako nte yaku, i Yakobus. Yaku batua nu Alatala bo batua i Pue Yesus Kristus. Nadea tabe ka komiu todea nu Alatala ri njumangu dunia.

2 Yohanes 1:1

Nina ntali ana, anu nipelisi nu Alatala: Sura hitu lako nte yaku, i Yohanes, pakeni ntodea topomparasaya. Yaku mpuu-mpuu nompotove komiu. Ledo aga yaku tapi pura-pura topangisani pepatuduki nakana lako nte Alatala, nompotove komiu muni.

Yudas 1:1

Sampesuvu-sampesuvu anu nipokio nTuamata Alatala majadi todeaNa: Komiu mpuu-mpuu nipotove nu Alatala, bo nijagaiNa sampe i Yesus Kristus makava mpanjili. Sura hitu lako nte yaku, i Yudas, batua i Yesus Kristus bo sampesuvu i Yakobus.