Suro-Suro 1:11 - Kaili Ledo

¹¹ Nanguli malaeka haitu, “Heh, toGalilea! Nakuya komiu aga neangga ri sii, nantingoa langi? I Yesus anu nikitamiu pangane neore rou ri surugamo. Ivesia muni Ia manjili lako ri suruga tumai ri dunia, nasimbayu mpo nikitamiu pangane.”

Suro-Suro 1:11 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

Matius 24:30

Ri tempo haitu meumba tanda ri langi mompakalanto kakavaKu, Ana nu Manusia. Bo pura-pura manusia ri dunia motumangi ante eka nu rara, ane rakitara Yaku, Ana nu Manusia, manau riara kulimu ante kuasaKu bo kaogeKu nipokumaaka.

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Markus 13:26

Bo ri tempo haitu pura-pura manusia ri dunia manggita Yaku, Ana nu Manusia, manau riara kulimu. Bo rakitara kaogeKu bo kuasaKu nipokumaaka.

Markus 14:70

Tapi nesapu vai i Petrus. Ledo nasae kaliuna haitu, nangulimo tona neangga ri sia ka i Petrus, <>

Markus 16:19

Naupu i Yesus notesa ivesia ka ira, neoremo Ia hau ri suruga bo nonturo ri sabingga nggana nu Alatala.

Lukas 21:27

Maupu haitu, rakitaramo Yaku, Ana nu Manusia, manau riara kulimu. Bo rakitaramo kuasaKu bo kaogeKu nipokumaaka.

Lukas 24:5

Naeka mpuu rara mombine gahaitu sampe ira notungga narapa ri tana. Nangulimo randua malaeka haitu ka ira, “Nakuya komiu nangelo tona natuvu ri ponturo ntona namate?

Yohanes 14:3

Bo maupu Yaku hau mompakasadia ponturo ka komiu, Yaku kana manjili tumai mombatomunaka komiu ala ri umba Kuponturo, ri sia muni raponturomiu.

Suro-Suro 1:2

sampe Ia neore hau ri suruga. Naliu Ia namate bo natuvu mpanjili, Ia nasaro nompopakita karoNa ka suro-suroNa nipelisiNa bara ipia, ala rasanira Ia mpuu-mpuu natuvu mpanjili. Riara tempo patapulu bongina nikitara mpuumo Ia, bo Ia nombatesa Poparenta nu Alatala ka ira. Dopame Ia hau ri suruga, nidekeiNa parenta-parenta ka suro-suroNa ante kuasa Nosa Gasa.

Suro-Suro 1:9

Naupu i Yesus nanguli ivehaitu, neoremo Ia lako ri ngayora hau ri suruga. Ira nantingoa nangganoto Ia sampe nalipo lako ri panggitara, sabana kulimu nombabungu Ia.

Suro-Suro 13:31

Bara sakuya eo kasaena, nadea ngganina i Yesus nompopakita karoNa ka tona anu nantuntuni Ia lako ri bagia Galilea hau ri ngata Yerusalem. Ira haitumo anu sii-sii najadi sabi-sabiNa ka todea toIsrael.

Suro-Suro 2:7

Nahera bo nokumaa mpuu ira nosimpotesa, “Berimbamo hii? Tona notesa-tesa haitu toGalilea pura!

Suro-Suro 3:12

Tempo i Petrus nanggita todea gahaitu, niulikana ira, “Sampesuvu-sampesuvuku toIsrael! Nakuya komiu nokumaa nanggita anu najadi pangane? Nakuya nikanotosikamiu kami? Natantu nisarumakamiu tona hitu nolipa sabana kabaraka kami mboto, atau sabana poagama kami naroso. Tapi ledo ntoto nakana!

Suro-Suro 3:21

I Yesus kana monturo ri suruga sampe makava tempona Alatala mompakabaru pura-pura, evamo nitesaNa ka nabi-nabi nipelisiNa nggaulu.

1 Tesalonika 1:10

Nitesara muni berimba komiu nanjarumaka kakava i Yesus, Ana nu Alatala lako ri suruga. Ia nipakatuvu nu Alatala mpanjili lako ri kamateNa. Bo Iamo nombakabasaka kita lako ri pehuku nu Alatala anu rapambela ka tona nadosa bara maipia.

1 Tesalonika 4:16

Tempo Alatala mombadekei parenta, tadulako malaeka mongare ante suara namangga bo tabue nu Alatala rapopomoni, tempo haitu i Pue Yesus mboto manau lako ri suruga. Bo topomparasaya i Kristus anu namatemo rapakatuvu mokolu.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

Pompakita 1:7

Peintamo! Ia makava nibungu kulimu. Ia rakita ntona pura-pura, nau ira anu nombatosu usuNa. Bo pura-pura valaa manusia ri dunia motumangi mpojea manggita Ia. Haitu mpuu-mpuu majadi! Amin!