Suro-Suro 1:10 - Kaili Ledo

¹⁰ Tempo ira da nantingoa langi nangganoto peore i Yesus, sampesanika neongamo randua malaeka nopakea mputi neangga ri sinjorira.

Suro-Suro 1:10 ပူးပေါင်းရင်းမြစ်များ

Matius 17:2

Tempo ira hamai, nabalimo lenje i Yesus ri ngayora. LenjeNa nareme mpuu eva kareme nu mata eo, bo bajuNa nabula damo nenggila.

Matius 28:3

Lenjena nenggila mpo kila, pakeana naputi mpuu.

Markus 16:5

Pade nesuamo ira riara bolo vatu nipajadi dayo. Nikitara saito kabilasa nobaju bula nonturo ri sabingga ngganara. Natekaja bo naeka mpuu rarara.

Lukas 24:4

Tempo ira neangga ri sia bo da naingu rarara nompekirika kajadia haitu, sampesanika neongamo randua malaeka nu Alatala nopakea nenggila neangga ri sinjorira.

Yohanes 20:12

Ri sia nikitana randua malaeka nobaju nabula mpuu nonturo ri bela pomboli karobata i Yesus. Saito nonturo ri bela nu balenggaNa bo saito ri bela nu kadaNa.

Suro-Suro 10:3

Naria saeo nitasere tinti tatalu ede eo, naria anu nipopakita ka ia, haitumo saito malaeka nu Alatala nakava nombaronde ia, “Kornelius!”

Suro-Suro 10:30

Nesanamo i Kornelius, “Talu-mbongi naliu, nitasere jaa ivehitu muni, tinti tatalu ede eo, yaku nosambaya ri banuaku. Sampesanika naria saito malaeka nikitaku neangga ri ngayoku. Pakeana nenggila-nggila.

Pompakita 3:4

Tapi da nariapa nte komiu ri ngata Sardis bara sako-ndua tona nombajagai pakeara sampe ledo natapa. Iramo anu mamala molipa mosanggani-nggani ante Yaku mopakea mputi, sabana iramo anu masipato molipa ante Yaku.

Pompakita 7:14

Nesanamo yaku, “Tua, ledo nisaniku, komiu nangisanina.” Bo nangulimo ia ka yaku, “Ira gahaitumo tona nipakasalama tempo pepandasa anu nelabi mpuu kadaana. Nitoposira pakeara sampe naramputi ante raa nu Ana Bimba, haitumo, dosara niampungi.