Roma 9:6 - Kaili Ledo

⁶ Nau nadea toYahudi ledo nomparasaya i Yesus, ledo mamala raulita Alatala ledo nompakadupa pojanjiNa nte toYahudi! Apa ledo pura-pura muli i Israel nipelisi nu Alatala majadi todeaNa.

Roma 9:6 ပူးပေါင်းရင်းမြစ်များ

Matius 24:35

Langi bo tana malipo, tapi tesaKu bate-batena sampe ri kasae-saena.”

Yohanes 1:47

Tempo i Yesus nanggita i Natanael nakava nte Ia, niulikaNa, “Peintamo! Hitumo saito toIsrael mpuu! Ledo ntoto naria katenggona.”

Yohanes 10:35

Anu nitulisi riara Buku Gasa haitu ledo nabali-bali tapi bate-batena nakana sampe ri kasae-saena. Ira anu nantarima tesa nu Alatala nggaulu haitu niuliNa ‘ana-ana nu Alatala’,

Roma 3:3

Sanu toYahudi ledo naroo nomparasaya pojanji nu Alatala. Tapi nau ivesia, nee rasarumakamiu Alatala ledo mompakadupa pojanjiNa.

Roma 9:4

Iramo toIsrael, todea nu Alatala, anu nantarima mpengaya belo lako nte Ia. NianggatakaNa ira najadi ana-anaNa mboto bo nipopakitakaNa ka ira kuasaNa bo kaogeNa. NipoviaNa pojanji nte ira, bo nidekeikaNa Atura-atura agama ka ira. NipatudukikaNa ka ira ada-ada metupu nte Ia. Nadea mpuu janji nu Alatala ka toIsrael.

Galatia 6:16

Kuperapi Alatala mombadekei belo bo katinonto ka tona natuvu nangoseaka pepatuduki hitu, bo muni ka pura-pura todea nu Alatala, nau toYahudi, nau tona ledo toYahudi.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

2 Timotius 2:13

Nau kita ledo natutu nomparasaya Ia Ia bate-batena namala raparasaya, sabana anu niuliNa kana rapakadupaNa mpuu.”