Roma 8:31 - Kaili Ledo

³¹ Jadi sampesuvu-sampesuvu. Ane rapekirita pura-pura anu nipovia nu Alatala ka kita, maroso rarata. Apa ane Alatala mosabingga ka kita, isema mompakule mangeva kita?

Roma 8:31 ပူးပေါင်းရင်းမြစ်များ

Matius 1:23

“Saito randaa matiana bo mompoanaka saito ngana langgai. Bo ngana haitu rapoposanga i Imanuel.” Yesaya 7:14 (Imanuel riara basa Ibrani batuana: “Alatala mosanggani ante kita.”)

Roma 3:5

Bara naria tona nanguli Alatala ledo nanoa ane Ia rahukuNa kadaata, sabana kadaata haitu aga nompakalanto kanoa nu Alatala.

Roma 4:1

Jadi pekirimo i Abraham, totua ntoYahudi nggaulu. Berimba sampe ia najadi nanoa ri panggita nu Alatala?

1 Yohanes 4:4

Sampesuvu-sampesuvu nipotoveku, komiumo ana-ana nu Alatala bo nidagimiumo nabi-nabi mpodava gahaitu, sabana Nosa Gasa nu Alatala anu riara ntaimiu nakuasapa pade Magau nu Seta anu nombakuasai pekiri ntona ledo nangoseaka dota nu Alatala.