Roma 8:27 - Kaili Ledo

²⁷ Bo nisani nu Alatala isi rara ntai manusia, bo nisaniNa patuju nu Nosa Gasa haitu, sabana Nosa Gasa nosambaya ka todea nu Alatala, nangoseaka dota nu Alatala mboto.

Roma 8:27 ပူးပေါင်းရင်းမြစ်များ

Matius 6:8

Nee mompasiala pokainggura haitu! Apa nisani nu Alatala mamimo nuapa niparaluumiu dopame komiu merapi lako nte Ia.

Lukas 16:15

Tapi i Yesus nanguli ka ira, “Ri ngayo ntona ntanina, komiu nikita nabelo, tapi nisani nu Alatalamo pura-pura isi rara ntaimiu. Anu nabelo ntoto ri panggita manusia, haitumo nipovuu mata nu Alatala.

Yohanes 14:13

Bo nuapa-nuapa raperapimiu sabana komiu topangoseaka Yaku, kana Kupovia ka komiu, ala rakita ntona kaoge nTuamaKu.

Yohanes 21:17

Bo i Yesus nekutana vai katalu-ngganina, “Simon, ana i Yohanes, nipotovemu mpuumo Yaku?” Nangepe haitu, nasusa mpuumo rara i Petrus, sabana talu-ngganimo i Yesus nompekutana ia. Jadi nesana i Petrus, “Pue, nisaniMiu mpengaya-ngaya. NisaniMiu nipotoveku Komiu.” Nanguli i Yesus, “Ane ivesia, piaramo bimba-bimbaKu.

Suro-Suro 1:24

Naupu haitu nosambayamo ira ivei: “Pue, nisaniMiu isi rara ntai manusia pura-pura. Jadi popaisani ka kamimo isema nipelisiMiu lako ri randua tona hitu majadi suro manjambei i Yudas. Apa i Yudas nombakabasaka bagona bo nihuku nangoseaka pokaingguna.”

Suro-Suro 15:8

Bo Alatala anu nangisani isi rara ntai manusia, nantarima tona ledo toYahudi. Nisanita, sabana nidekeiNa Nosa GasaNa ka ira, nasimbayu mpo nidekeiNa ka kita muni.

Roma 8:34

Isema mabia mompakasala kita? Ledo ntoto ria, sabana i Kristus namate mantolosi dosata. Bo ledo aga haitu, Ia nipakatuvu mpanjili bo nonturo ri panggana nu Alatala ri suruga, bo Iamo nanjaliku kita ri ngayo nu Alatala.

Roma 8:6

Ane pekirira nikuasai dota rara nadaa, ira mamate bo rapopogaa lako nte Alatala. Tapi ane pekirira nikuasai nu Nosa Gasa nu Alatala, ira matuvu mabelo bo mosinggabelo ante Alatala.

Efesus 2:18

Jadi, kita pura-pura, toYahudi bo tona ledo toYahudi, namala mosinggava nte Tuamata Alatala riara posambayata sabana anu nipovia i Kristus. Kita mamala mosinggava nte Ia ante petulungi Nosa GasaNa sangu.

1 Tesalonika 2:4

Kami ledo notesa aga mompakadamba rara manusia. Kami notesa mompakadamba rara nu Alatala, sabana Iamo nomparesa rara ntai kami, bo Iamo nombareke kami masipato mompatolele Kareba Belo.

Ibrani 4:13

Nau aga sangaya anu nipajadi nu Alatala, ledo ria sangua ledo nikitaNa. Pura-pura nalanto nikitaNa. Bo kita kana mompangaku pura-pura pokaingguta ka Ia bara maipia.

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.

Pompakita 2:23

Bo ana-anana Kupatesi sampe malanto ka pura-pura topomparasaya, Yakumo anu nomparesa pekiri bo rara ntai manusia, bo Yakumo anu mombabalasi komiu saito-saito nangoseaka pokainggumiu.