Roma 8:26 - Kaili Ledo

²⁶ Nosa Gasa nu Alatala muni nantulungi kita riara kalenteta. Ledo nisanita mpuu nuapa masipato raulita ri posambayata. Tapi Nosa Gasa mboto nomperapi lako nte Alatala ka kita ante pekakai anu neliu lako ri pompakule basa manusia.

Roma 8:26 ပူးပေါင်းရင်းမြစ်များ

Matius 10:20

Bo tesa-tesa raulimiu ledo tesa lako ri pekirimiu mboto, tapi tesa lako nte Nosa Gasa nTuamamiu Alatala. Iamo mokarajaa riara ntaimiu mompakalanto tesa nuapa masipato ratesamiu.

Matius 20:22

Tapi nanguli i Yesus ka anana, “Ledo nisanimiu nuapa niperapimiu. Rapakulemiu mombarasai pepandasa anu Kurasai?” Nesana ira, “Rapakule kami!”

Lukas 22:44

Nasusa mpuu raraNa, sampe Ia nosambaya mpuu-mpuu bo iniNa eva raa natiti ri tana.]

Yohanes 14:16

Bo Kuperapi nte TuamaKu ala radekeiNa ka komiu Topetulungi ntanina, anu maroo nte komiu sampe ri kasae-saena.

Roma 15:1

Kita anu naroso pomparasayata masipato mosabara nte roata anu da nonggai rarana sabana dopa naroso pomparasayana. Nee aga mompekirika kasana nu rarata mboto.

Roma 7:24

Nasilaka mpuumo yaku! Isemamo mamala mombakabasaka yaku lako ri karo anu nanggeni kamate hitu?

Roma 8:15

Nosa Gasa anu nidekei nu Alatala ka kita, ledo manggeni kita majadi batua sampe kita matuvu ante eka rara. Tapi Nosa Gasa haitu nanganggataka kita majadi ana-ana nu Alatala. Ante pekeniaka Nosa Gasa kita mamala mekakai nte Alatala, <>

2 Korintus 5:2

Tapi tempo kita da natuvu ri dunia hitu nasumu rarata, naoge rarata manggava karo nabaru lako ri suruga.

2 Korintus 5:4

Tempo kita da natuvu ri dunia hitu nasumu rarata apa nirasaita nandasa katuvuta. Kita ledo madota mamate bo mogaa lako ri karota, tapi kita madota radekeika karo nabaru lako ri suruga ala karo anu mamate rasambei ante karo anu matuvu sampe ri kasae-saena.

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

Efesus 2:18

Jadi, kita pura-pura, toYahudi bo tona ledo toYahudi, namala mosinggava nte Tuamata Alatala riara posambayata sabana anu nipovia i Kristus. Kita mamala mosinggava nte Ia ante petulungi Nosa GasaNa sangu.

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Ibrani 4:15

Ia Pakeni nTopanggeni Pesomba anu nangisani kalenteta, sabana Ia mboto nombarasai mpengaya pesori nasimbayu mpo kita, tapi Ia ledo novia dosa.

Ibrani 5:2

Pakeni-pakeni nTopanggeni Pesomba aga manusia muni bo nadea kalentera. Haitumo sabana nalusu rarara nantulungi tona nadoyo bo nasalandala.

Yakobus 4:3

Tapi nau damo niperapimiu, ledo muni nikavamiu, sabana patujumiu nerapi nasala. Komiu aga nomperapi anu mompakasana karomiu mboto.