Roma 8:18 - Kaili Ledo

¹⁸ Niparasayaku kasusa bo kapari nirasaita sii-sii damo njongona ane rapoposisala ante kabelo rarasaita bara maipia.

Roma 8:18 ပူးပေါင်းရင်းမြစ်များ

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

Roma 8:19

Sii-sii pura-pura isi nu dunia ante lentora rarara nantongoraka tempona Alatala mompopakita kaoge nu ana-anaNa.

Kolose 3:4

I Kristusmo nombadekei katuvu nabaru ka komiu. Tempo Ia meonga mpanjili ri dunia, kuasaNa bo kaogeNa rakita mpuu, bo kaoge katuvumiu nabaru rakita muni sabana komiu mosanggani-nggani nte Ia.

2 Tesalonika 2:14

Alatala nompokio komiu majadi todeaNa lako ri Kareba Belo anu nipatolele kami ka komiu. PatujuNa ala komiu manggava bagia riara kuasa bo kaoge nTuputa Yesus Kristus.

Titus 2:13

Apa ane kita da nonturo ri dunia, kita nanjarumaka kakava i Yesus anu mpuu-mpuu mompakasana rarata. Tempo haitu, pura-pura tona manggita kaoge i Yesus Kristus, Iamo Alatala toNeliu KaogeNa bo Topompakasalama kita.

Ibrani 11:35

Lako ri pomparasayara, mombine-mombine nanggita mpanjili tona-tonara anu nipakatuvu mpanjili lako ri kamatena. Tapi naria muni tona ntanina nompalamba karora nipandasa sampe namate sabana pomparasayara. Ira ledo nadota rakabasaka lako ri kasusa haitu apa ira madota rapakatuvu mpanjili bo manggava katuvua nabelopa.

1 Petrus 1:13

Sampesuvu-sampesuvu, naria mamimo panjarumakata naroso. Sabana haitu, komiu kana mompakanoto raramiu bo mainga, bo maroo manjarumaka belo radekei ka komiu tempo i Yesus Kristus makava mpanjili.

1 Petrus 4:13

Kakanana komiu kana madamba, sabana komiu nombarasai kasusa bo kapari nasimbayu mpo anu nirasai i Kristus mboto. Apa ane komiu nombarasi susa bo pari mpo nirasai i Kristus, mambaso mpuu kadamba nu raramiu tempo Ia makava mpanjili. Tempo haitu, kaoge i Kristus anu nipokumaaka rapopakita ka pura-pura manusia.

1 Petrus 5:1

Naria muni anu kuuli ka komiu pakeni ntodea topomparasaya! Yaku nabia notulisi ka komiu sabana yaku muni pakeni ntopomparasaya, bo yaku mboto nanggita kasusa bo kapari nirasai i Kristus bara ipia. Bo ane i Kristus makava mpanjili bo mompopakita kuasaNa bo kaogeNa ka pura-pura manusia, yaku muni manggava bagia ri kuasaNa bo kaogeNa haitu. Jadi yaku mpuu-mpuu nerapi nte komiu

1 Yohanes 3:2

Sampesuvu-sampesuvu nipotoveku, kita sii-sii ana-ana nu Alatala mami, tapi dopa nipopaisani ka kita berimba katuvuta ri tempo makava. Anu nisanita, tempo i Kristus makava mpanjili, kita majadi masimbayu mpo Ia, apa rakitata mpuu lenjeNa.