Roma 8:14 - Kaili Ledo

¹⁴ Isema-sema nikeniaka Nosa Gasa nu Alatala, iramo ana-ana nu Alatala.

Roma 8:14 ပူးပေါင်းရင်းမြစ်များ

Matius 5:9

Nabelo mpuumo tona nompoposinggabelo roa, sabana iamo rauli nu Alatala anaNa.

Yohanes 1:12

Tapi isema-sema nantarima Ia bo nomparasaya Ia, nidekeikaNa kuasa majadi ana-ana nu Alatala.

Roma 8:19

Sii-sii pura-pura isi nu dunia ante lentora rarara nantongoraka tempona Alatala mompopakita kaoge nu ana-anaNa.

Roma 8:5

Isema-sema natuvu nangoseaka dota rarana nadaa aga nompekirika anu nipodota rarana nadaa haitu. Tapi isema-sema natuvu nangoseaka dota Nosa Gasa nu Alatala, aga dota nu Nosa Gasa nipekirikara.

Roma 8:9

Tapi komiu domo nangoseaka dota raramiu nadaa. Komiu nangoseaka dota Nosa Gasa nu Alatala ane Nosa Gasa mpuu-mpuu nonturo riara ntaimiu. Isema-sema ledo ria Nosa Gasa i Kristus riara ntaina, ia ledo todea i Kristus.

Roma 9:26

Bo ri umba nipanguli nu Alatala ka ira, , ri situ munimo, ira rauli ana-ana nu Alatala anu Natuvu.>> Hosea 1:10

Roma 9:8

Batuana, ledo sambara tona nipomulika lako ri karo i Abraham najadi ana-ana nu Alatala. Aga tona nipoanaka nangoseaka pojanji nu Alatala najadi ana-ana nu Alatala mpuu.

2 Korintus 6:18

Niuli muni ri Buku Gasa ivei: “Yaku majadi Tuamamiu bo komiu majadi ana-anaKu. Ivesiamo panguli nTupu anu Neliu KakuasaNa.” 2 Samuel 7:14, 1 Tawarikh 17:13, Yesaya 43:6, Yeremia 31:9

Galatia 3:26

Jadi, komiu pura-pura nosangu rara nte i Yesus Kristus, komiu najadi ana-ana nu Alatala sabana komiu nomparasaya i Kristus.

Galatia 4:5

Ia nisuro nu Alatala mombakabasaka kita nipou nu Atura agama, ala kita mamala raanggataka majadi ana-ana nu Alatala.

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

Galatia 5:16

Patujuku ivei: komiu kana matuvu mangoseaka dota Nosa Gasa nu Alatala ala komiu ledo matuvu mangoseaka dota raramiu nadaa.

Galatia 5:18

Tapi ane komiu nikeniaka Nosa Gasa nu Alatala, komiu ledo paraluu matundu nte Atura agama.

Efesus 1:5

Lako ri lamba pamulana Ia nompakatantu manganggataka kita majadi ana-anaNa sabana Ia nompotove kita. Kita najadi ana-anaNa lako ri kamate i Yesus Kristus, sabana haitumo nia bo dota nu Alatala mami lako ri pamulana.

Efesus 5:9

Apa inggu ntona anu natuvu ri karemena nabelo bo nanoa bo ia namala raparasaya.

1 Yohanes 3:1

Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.

1 Yohanes 3:24

Isema-sema nanturusi parenta nu Alatala, iamo natuvu nosangu rara ante Alatala bo Alatala muni nonturo riara ntaina. Bo nisanita Alatala nosangu rara ante kita sabana Nosa Gasa nidekeiNa naria riara ntaita.

Pompakita 21:7

Isema-sema padagi, rakavana pura-pura anu niuliKu pangane. Bo Yakumo majadi Alatalara bo ira majadi anaKu.