Roma 8:10 - Kaili Ledo

¹⁰ Tapi ane i Kristus mpuu-mpuu nonturo riara ntaita, nau karota mamate sabana dosa, Nosa Gasa nombadekei katuvua mabelo sampe ri kasae-saena sabana kita najadi nanoa ri panggita nu Alatala.

Roma 8:10 ပူးပေါင်းရင်းမြစ်များ

Yohanes 14:23

Nesana i Yesus, “Isema-sema nompotove Yaku raoseakana tesaKu. Bo TuamaKu mompotove ia bo Yaku ante TuamaKu makava monturo mosanggani-nggani ante ia.

Yohanes 15:5

Yakumo hii valaa anggur bo komiumo tu tinggu-tingguna. Ane komiu maroo mosangu rara nte Yaku bo Yaku maroo mosangu rara ante komiu, komiu movua madea. Tapi ane komiu mogaa lako nte Yaku, ledo rapakulemiu movia nuapa-nuapa.

Yohanes 17:23

Yaku nosangu rara nte ira bo Komiu nosangu rara nte Yaku ala ira mpuu-mpuu mosangu rara. Ane ira mpuu-mpuu mosangu rara, kana rasani nu manusia Komiu nantudu Yaku bo Komiu nompotove ira, nasimbayu mpo pompotoveMiu Yaku.

Yohanes 4:14

Tapi isema-sema manginu uve Kudekei ka ia, domo mabai tambolona sampe ri kasae-saena. Sabana uve Kudekei ka ia haitu majadi uve mpemata moili lako riara ntaina bo nombadekei katuvua mabelo ka ia sampe ri kasae-saena.”

Yohanes 6:54

Tapi isema-sema mangande isi karoKu bo manginu raaKu, iamo matuvu mabelo sampe ri kasae-saena, bo Kupakatuvu mpanjili ia ri kaupu nu dunia.

Yohanes 6:56

Isema-sema mangande isi karoKu bo manginu raaKu, iamo maroo mosangu rara ante Yaku bo Yaku maroo mosangu rara ante ia.

Roma 5:12

Dosa neumba ri dunia sabana saito manusia nombaliunaka parenta nu Alatala, haitumo i Adam. Bo lako ri dosa i Adam haitu sampe naria kamatea ri dunia. Ivesiamo pura-pura manusia kana mamate apa pura-pura manusia novia dosa.

Roma 5:21

Bara ipia dosa nakuasa riara nggatuvu manusia sampe pura-pura manusia kana mamate bo rapopogaa lako nte Alatala. Tapi sii-sii, pepotove nu Alatala nakuasa riara nggatuvuta. Apa lako ri pepotoveNa haitu, Alatala nombareke kita nanoa ri panggitaNa bo nidekeiNa ka kita katuvua nabelo sampe ri kasae-saena. Haitu pura nipoviaNa sabana Tuputa i Yesus Kristus.

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

1 Korintus 15:45

Riara Buku Gasa naria nitulisi ivei: “Manusia paratama, i Adam, nipakatuvu nu Alatala.” Kajadia 2:7 Tapi i Adam kaupuna, haitumo i Kristus, nombadekei katuvu nabelo sampe ri kasae-saena.

2 Korintus 13:5

Sampesuvu-sampesuvu, paresa mbotomo karomiu ala rasanimiu bara mpuu-mpuu komiu nangoseaka i Kristus. Peinta mbotomo raramiu. Natantu rasanimiumo i Yesus Kristus naria riara ntaimiu! Ane i Kristus ledo naria riara ntaimiu, batuana komiu ledo mpuu-mpuu topangoseaka Ia.

2 Korintus 4:11

Ane da matuvupa kami, da mariapa tona madota mompatesi kami sabana kami nangoseaka i Yesus. Haitu najadi ala malanto i Yesus natuvu mpanjili, apa kuasaNa rakita riara nggatuvu kami anu mamate.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Galatia 2:20

Jadi namala rauli ivei: nau yaku natuvu, domo aga yaku saitoku natuvu, tapi i Kristus natuvu riara nggatuvuku. Bo ri katuvuku ri dunia hitu, yaku natuvu mpuu-mpuu nomparasaya Ana nu Alatala anu nompotove yaku bo nombadekei karoNa rapatesi manjambei yaku.

Efesus 3:17

sampe i Kristus bate-batena monturo riara ntaimiu sabana komiu nomparasaya Ia. Bo kuperapi ala katuvumiu rakuasai nu tove i Kristus bo toveNa haitu mokale riara ntaimiu.

Filipi 1:23

Yaku nitaja mpekiri rongaya. Yaku mpuu-mpuu madota mompalaisi dunia hitu hau monturo mosanggani-nggani ante i Kristus, sabana haitumo nabelopa.

Filipi 3:9

bo mpuu-mpuu mosangu rara ante Ia! Alatala nombareke yaku nanoa ri panggitaNa, ledo sabana pangoseakaku Atura-atura agama, tapi sabana pomparasayaku i Kristus. Yaku najadi nanoa ri panggita nu Alatala ledo lako ri pokaingguku, tapi lako nte Alatala mboto. Bo Alatala nompakanoa yaku lako ri pomparasayaku.

Kolose 1:27

Apa dota nu Alatala ala rasani ntodeaNa kabelo bo kaoge niaNa ka pura-pura manusia. NiaNa haitumo: i Kristus natuvu riara ntaita, jadi nisanita kita mpuu-mpuu matuvu mabelo nte Alatala sampe ri kasae-saena.

1 Tesalonika 4:16

Tempo Alatala mombadekei parenta, tadulako malaeka mongare ante suara namangga bo tabue nu Alatala rapopomoni, tempo haitu i Pue Yesus mboto manau lako ri suruga. Bo topomparasaya i Kristus anu namatemo rapakatuvu mokolu.

Ibrani 12:23

Bo komiu nantingayo todea topomparasaya Alatala. Ira nireke ana-ana lumbua nu Alatala bo sanga-sangara nitulisi riara buku nu Alatala ri suruga. Komiu nantingayo Alatala, Topotangara pura-pura manusia. Bo komiu nantingayo nyawa-nyawa ntona nanoa anu namatemo, anu najadi nagasa.

Ibrani 9:27

Alatala nompakatantu manusia mamate aga sanggani, bo maupu haitu ratangara.

Pompakita 14:13

Naupu haitu niepeku suara lako ri suruga nanguli, “Tulisimo tesa hitu: nompamula sii-sii nabelo mpuumo tona natutu nomparasaya i Pue sampe namate.” Bo nesanamo Nosa Gasa nu Alatala, “Nakana mpuu tutu. Domo rarasaira kasusa bo kapari, bo maria tambo radekei ka ira nangoseaka panggaviara.”