Roma 7:9 - Kaili Ledo

⁹ Bara ipia, dopame nisaniku Atura agama, yaku natuvu nasana. Tapi nisanikupa Atura agama, dosa anu naria mami riara ntaiku nompamula naroso,

Roma 7:9 ပူးပေါင်းရင်းမြစ်များ

Matius 19:20

Nanguli kabilasa haitu ka i Yesus, “Parenta-parenta tutu nioseakaku puramo. Nuapapa masipato kupovia?”

Lukas 15:29

Tapi nanguli ngana haitu ka tuamana, ‘Nompae-mpaemo yaku nokarajaa mpo batuamiu. Ledo ria sanggani niliunakaku anu niparentamiu kaku. Tapi nau sangu ana ntovau ledo ria nidekeimiu kaku ala yaku madamba-damba ante roaku.

Lukas 18:21

Nesana tona haitu, “Pura-pura parenta haitu nioseakakumo lako ri kakodiku.”

Roma 10:5

Nabi Musa notesa tona najadi nanoa ri panggita nu Alatala sabana nioseakara Atura agama. Niulina ivei: <> Imamat 18:5

Roma 7:10

bo nanotomo raraku yaku masipato rahuku mate bo rapopogaa lako nte Alatala. Kakanana, patuju nu Atura agama ala yaku manggava katuvua nabelo. Tano, nisanikupa Atura haitu, yaku aga nombaliunakana sampe yaku masipato rahuku mate bo rapopogaa lako nte Alatala.

Roma 7:11

Nisanikupa Atura agama, dosa nanggava loga mombabagiu yaku. Namala raulita: lako ri Atura agama, dosa nompakanavu yaku sampe yaku masipato rahuku mate bo rapopogaa lako nte Alatala.

Roma 7:4

Sampesuvu-sampesuvu, ivesia muni ante kita. Bara ipia kita nipou nu Atura agama. Tapi kita namatemo nosanggani-nggani ante karo i Kristus, jadi kita domo nipou nu Atura-atura agama. Kuasa Atura-atura haitu domo nambela kita. Bo sii-sii kita najadi todea ntosaitoNamo, haitumo i Kristus anu natuvu mpanjili lako ri kamateNa ala katuvuta moguna ka Alatala.

Roma 7:6

Tapi sii-sii, kita nikabasakamo lako ri kuasa Atura agama anu nompou kita bara ipia, sabana kita namate nosanggani-nggani ante i Kristus. Jadi kita domo nangoseaka dala nokolu, haitumo kita domo nangoseaka atura-atura nitulisi. Sii-sii kita nangoseaka dala nabaru, haitumo kita nangoseaka dota nu Alatala ante petulungi Nosa Gasa.

Roma 7:8

Tapi niepekupa Atura agama anu nanguli <> dosa nanggava loga nokarajaa riara ntaiku sampe aga nantambai dota raraku maino ka anu ntona. Ane rapana ledo ria Atura agama nombatuduaka dosaku, dosa ledo mombakuasai katuvuku.

Roma 8:7

Ane pekiri ntona nikuasai nu dota rara nadaa, ira nangeva Alatala. Ledo nioseakara parentaNa sabana ledo nipakulera.

Galatia 2:19

Apa lako ri Atura agama sampe nisaniku ledo kupakule majadi manoa ri panggita nu Alatala ante nangoseaka Atura haitu. Jadi sabana haitu, sii-sii yaku nenontomo nanjarumaka Atura agama ala yaku mamala mpuu-mpuu matuvu nangoseaka dota nu Alatala. Tempo i Kristus namate ri kayu salib, yaku muni nireke namate nosanggani-nggani ante Ia.

Galatia 3:10

Isema-sema nanjarumaka majadi manoa ri panggita nu Alatala sabana nioseakana Atura agama, iamo rahuku nu Alatala. Nisanita haitu sabana riara Buku Gasa nitulisi ivei: “Isema-sema ledo natutu nangoseaka pura-pura parenta nitulisi riara Buku Atura Agama, iamo rahuku nu Alatala.”