Roma 7:3 - Kaili Ledo

³ Jadi, ane rapana mombine haitu mangala langgai ntanina tempo bereina da natuvu, haitu niuli nobualo. Tapi ane namatemo bereina langgai, ia domo nipou atura-atura poberei. Jadi ane ia rapoberei langgai ntanina vai, ia ledo rareke nobualo.

Roma 7:3 ပူးပေါင်းရင်းမြစ်များ

Matius 5:32

Tapi Kuuli ka komiu, ane komiu mompogaaka bereimiu mombine, tano ledo ria ia nosipogau nte langgai ntanina, batuana komiu nompopobualo ia. Bo isema-sema mompoberei mombine nipogaaka haitu, ia muni nobualo.”

Roma 7:2

Jonjona, saito mombine nipoberei. Ane bereina langgai da natuvu, mombine haitu da nipou nu atura-atura poberei. Tapi ane namatemo langgai, mombine haitu nakabasakamo lako ri atura-atura poberei anu nompakaroso pobereira njamboko.

Roma 7:4

Sampesuvu-sampesuvu, ivesia muni ante kita. Bara ipia kita nipou nu Atura agama. Tapi kita namatemo nosanggani-nggani ante karo i Kristus, jadi kita domo nipou nu Atura-atura agama. Kuasa Atura-atura haitu domo nambela kita. Bo sii-sii kita najadi todea ntosaitoNamo, haitumo i Kristus anu natuvu mpanjili lako ri kamateNa ala katuvuta moguna ka Alatala.