Roma 7:25 - Kaili Ledo

²⁵ Yaku nosukuru nte Alatala! Apa Tuputa Yesus Kristus mombakabasaka yaku!

Roma 7:25 ပူးပေါင်းရင်းမြစ်များ

Matius 1:21

I Maria mompoanaka saito ngana langgai, bo ngana haitu kana mupoposanga Yesus sabana Iamo mompakasalama todeaNa lako ri dosara.”

Roma 6:14

Nee radekei karomiu rakuasai nu dosa, apa kita domo nipou Atura agama. Tapi kita nanjarumaka pepotove nu Alatala.

Roma 6:17

Bara ipia, dopame niparasayamiu i Yesus, komiu najadi batua nu dosa. Tapi nosukuru mpuu nte Alatala! Sii-sii komiu mpuu-mpuu nangoseaka pepatuduki nakana anu nipatolele ka komiu.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

1 Korintus 15:57

Tapi kita nosukuru nte Alatala! Iamo nombakabasaka kita lako ri kuasa nu dosa bo Atura agama sampe kita majadi padagi sabana anu nipovia nTuputa Yesus Kristus!

2 Korintus 9:15

Masipato mpuu kita motarima kasi nte Alatala, sabana pedekeiNa nelabi mpuu kabelona. Ledo rapakuleta mombasovadaka kabelo nu pedekeiNa haitu ka kita!

Efesus 5:20

Komiu kana masaro motarima kasi nte Tuamata Alatala ka pura-pura anu najadi. Ulimo tarima kasi ka Ia sabana komiu nosangu rara nte Tuputa Yesus Kristus.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

Filipi 4:6

Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

Kolose 3:17

Bo nuapa-nuapa rapoviata bara raulita, rapoviata bo raulita muni anu masipato ka topomparasaya i Pue Yesus. Bo raulita munimo tarima kasi ka Tuamata Alatala sabana anu nipovia i Yesus ka kita.

1 Petrus 2:5

Komiu muni nasimbayu mpo vatu-vatu natuvu, jadi dekei Alatala mompake komiu majadi banua petupu ka Ia. Bo riara banua petupu haitu komiu majadi mpo topanggeni pesomba, anu natuvu nipatani ka Alatala. Bo komiu namala metupu nte Ia ante pekeniaka Nosa Gasa. Petupumiu haitu najadi pesomba anu rapokonoa rara nu Alatala sabana anu nipovia i Yesus Kristus.

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.