Roma 7:15 - Kaili Ledo

¹⁵ Ledo ntoto nipahaku pokaingguku mboto. Pokainggu nabelo anu nipokonoku kupovia, ledo sia nipoviaku. Pokainggu anu nipovuu mataku, haitumo nipoviaku!

Roma 7:15 ပူးပေါင်းရင်းမြစ်များ

Lukas 11:48

Pokainggumiu nompakalanto komiu nasintuvu nte pokainggu ntotuamiu. Ira nompatesi nabi-nabi bo komiu nompakaramba dayora!

Yohanes 15:15

Komiu domo Kuuli batua, sabana batua ledo nisanina nia nu madikana. Tapi hitupa komiu Kuuli vegaKu sabana pura-pura anu niepeKu lako nte TuamaKu, nitesaKu muni ka komiu.

Roma 12:9

Kita kana mpuu-mpuu mompotove roata. Nee aga mosimpotove ri sumba. Kabasakamo anu nadaa, bo oseakamo anu nabelo

Roma 14:22

Ane niparasayata pokaingguta haitu ledo nasala, aginamo rabolita pomparasayata haitu riara ntaita ri ngayo nu Alatala. Nasana mpuu kita ane nipoviata anu niparasayata riara ntaita nabelo, bo ane pekiri rara ntaita mboto ledo nanjalai kita.

Roma 7:16

Tapi ane kupovia pokainggu anu ledo nipokonoku, batuana yaku nangaku Atura agama nabelo.

Galatia 5:17

Apa dota rara nadaa nosieva nte dota nu Nosa Gasa. Rongaya haitu nosieva sampe kita ledo nasaro novia anu nipodotata mboto.

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

Ibrani 1:9

Iko nompotove pokainggu nanoa bo navuu mataMu nanggita pokainggu natenggo. Jadi haitu sampe Yaku, TupuMu Alatala nompelisi Iko, bo nibilaKu Iko bo nipakadambaKu raraMu nelabipa pade roa-roaMu.” Mazmur 45:7-8

Yakobus 3:2

Kita pura-pura nasaro novia mpengaya-ngaya pokainggu nasala. Tapi tona ledo sanggani nasala tesana, iamo tona nagasa, bo nipakulena nombakuasai pura-pura dota nu rarana.

Yudas 1:23

Naria tona ntanina damo kasalandalana. Tulungimo ira ala ira rapakasalama lako ri pehuku, nasimbayu mpo porabutakamiu tona lako ri apu. Bo poasi munimo tona nikuasai dota rarara nadaa. Tulungi ira manjili ri dala nakana, tapi jagaimo, mbelaka komiu matekeni mangoseaka pokainggura nadaa. Potovemo tona nadosa tapi povuu matamo pokainggura.