Roma 6:9 - Kaili Ledo

⁹ Apa nisanita i Kristus nipakatuvu mpanjili lako ri kamateNa bo Ia domo mamate. Kamatea domo mamala mombakuasai Ia.

Roma 6:9 ပူးပေါင်းရင်းမြစ်များ

Roma 5:14

Tapi naupa ivesia, nompamula lako ri tempo i Adam sampe ri tempo i Musa pura-pura manusia kana mamate, nau dosara ledo nasimbayu nte dosa i Adam anu nombaliunaka anu niparenta nu Alatala ka ia. I Adam namala rapasimbayu ante tona neonga nggapurina, haitumo i Yesus. Kasimbayuna, asele anu nipoviara nambela pura-pura manusia.

Roma 6:10

Ia namate aga sanggani, ala mombadagi kuasa nu dosa sampe ri kasae-saena. Bo sii-sii, Ia bate-batena natuvu nompakadamba rara nu Alatala.

Roma 6:14

Nee radekei karomiu rakuasai nu dosa, apa kita domo nipou Atura agama. Tapi kita nanjarumaka pepotove nu Alatala.

Roma 6:4

Jadi tempo kita nidiu, mamala raulita kitamo anu namate bo nitana nosanggani-nggani ante i Kristus. Haitu najadi ala kita matuvu ante pokainggu nabaru, nasimbayu mpo i Kristus nipakatuvu mpanjili lako ri kamateNa ante kuasa nTuamata Alatala anu naoge.

Ibrani 7:16

Ia najadi topanggeni pesomba ledo nangoseaka atura-atura nggaulu anu nompakatantu muli isema masipato majadi topanggeni pesomba. Tapi Ia najadi topanggeni pesomba sabana Ia nakuasa bo katuvuNa ledo ria kaupu-upuna.

Ibrani 7:25

Jadi haitumo sampe Ia nompakule nompakasalama sampe ri kasae-saena tona nikeniNa natundu nte Alatala. Apa i Yesus batena natuvu nombasaliku ira ri ngayo nu Alatala.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.