Roma 6:22 - Kaili Ledo

²² Tapi sii-sii komiu nikabasakamo lako ri kuasa nu dosa bo najadi batua nu Alatala. Haitu mpuu-mpuu nanggeni belo ka komiu, sabana komiu nompakule natuvu mpo todea nu Alatala bo kaupuna komiu matuvu mabelo sampe ri kasae-saena.

Roma 6:22 ပူးပေါင်းရင်းမြစ်များ

Matius 13:40

Eva jono nipasiromu bo nipalabu riara apu, ivesia muni anu majadi ri Kaupu nu Dunia.

Matius 13:43

Tapi tona nanoa pokaingguna kana mareme eva mata eo riara Poparenta nTuamara Alatala. Isema-sema naria talinga, pariaramo tesaKu hitu!”

Matius 19:29

Isema-sema nompalaisi banuana bara sampesuvuna bara tina tuamana, bara ana-anana, bara taluana sabana ia nangoseaka Yaku, tona haitu radekei saatu-nggani kadeana. Bo ia muni radekei katuvua mabelo sampe ri kasae-saena.

Matius 25:46

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”

Yohanes 15:16

Ledo komiu nompelisi Yaku, tapi Yaku nompelisi komiu bo nombatudu komiu hau movua madea, haitumo vua anu ledo maupu-upu. Ane komiu movua ivesia, nuapa-nuapa raperapimiu lako nte TuamaKu sabana komiu topangoseaka Yaku, kana radekeiNa ka komiu.

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Yohanes 4:36

Topokato nompamulamo nantarima tambora apa nipasiromura asele anu manggeni katuvua nabelo sampe ri kasae-saena. Jadi topotuda bo topokato madamba-damba mpasanggani. Asele nipasiromura, batuana manusia anu manggava katuvua mabelo sampe ri kasae-saena.

Yohanes 8:32

Bo ane ivesia, rasanimiumo pepatuduki nakana sampe komiu rakabasaka lako ri pobatuamiu.”

Roma 6:14

Nee radekei karomiu rakuasai nu dosa, apa kita domo nipou Atura agama. Tapi kita nanjarumaka pepotove nu Alatala.

Roma 6:18

Komiu nikabasakamo lako ri kuasa nu dosa bo sii-sii komiu najadi batua nu Alatala anu nangoseaka dotaNa.

Roma 6:21

Belo nuapa nitarimamiu lako ri katuvumiu nokolu? Tantu ledo ria. Komiu aga naeya matamiu nantora pokainggumiu bara ipia! Asele pokainggu ivehaitu aga nanggeni kamate anu nompopogaa kita lako nte Alatala.

Roma 7:25

Yaku nosukuru nte Alatala! Apa Tuputa Yesus Kristus mombakabasaka yaku!

Roma 7:4

Sampesuvu-sampesuvu, ivesia muni ante kita. Bara ipia kita nipou nu Atura agama. Tapi kita namatemo nosanggani-nggani ante karo i Kristus, jadi kita domo nipou nu Atura-atura agama. Kuasa Atura-atura haitu domo nambela kita. Bo sii-sii kita najadi todea ntosaitoNamo, haitumo i Kristus anu natuvu mpanjili lako ri kamateNa ala katuvuta moguna ka Alatala.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

1 Korintus 7:22

Toramo! Tona anu najadi batua tempo ia nipokio majadi topomparasaya i Yesus, naupa ia batua tapi nikabasaka i Pue Yesusmo ia lako ri dosana. Bo tona ledo nipobatua tempo ia nipokio nu Alatala, ia najadi mpo batua sabana ia nekou nte i Kristus.

2 Korintus 3:17

Anu niuli “Tupu” ri sii, haitumo Nosa Gasa nu Alatala. Bo ane Nosa Gasa nu Alatala maria nte kita, kita mpuu-mpuu makabasaka lako ri pura-pura anu mompopogaa kita lako nte Alatala.

Galatia 1:10

Jadi, berimbamo, sampesuvu-sampesuvu? Yaku nanguli ivesia mbeki ratoiya ntona? Ledo ntoto nakana! Yaku aga madota ratoiya nu Alatala. Bara nipekirimiu yaku aga madota mompakadamba rara nu manusia. Tapi haitu ledo muni nakana, apa ane rapana yaku da nompasimbuku mompakadamba rara nu manusia, ledo masipato yaku majadi batua i Yesus Kristus!

Galatia 5:13

Sampesuvu-sampesuvu, komiu nipokio nu Alatala ala rakabasaka lako ri Atura agama. Aga nee sampe haitu majadi loga mangoseaka mpengaya-ngaya dota rara nadaa! Komiu kana mosimpotove bo mositulungi.

Galatia 5:22

Tapi ane tona nikeniaka Nosa Gasa nu Alatala, iveimo inggura: ira nosimpotove, ira nadamba bo natinonto rarara. Ira nosabara, nalusu bo nabelo rarara nte tona ntanina. Ira namala raparasaya,

Efesus 5:9

Apa inggu ntona anu natuvu ri karemena nabelo bo nanoa bo ia namala raparasaya.

Filipi 1:11

Bo pokainggumiu mpuu-mpuu majadi mabelo bo manoa sabana pokarajaa i Yesus Kristus riara nggatuvumiu, sampe madea mpuu tona mombabila bo mompakaoge Alatala.

Filipi 4:17

Yaku ledo aga madota mantarima pedekeimiu. Tapi yaku madota ala belo ratambai ka komiu lako ri poviamiu nabelo haitu.

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Titus 1:1

Sampesuvuku i Titus: Sura hitu lako nte yaku Paulus, batua nu Alatala bo suro i Yesus Kristus. Yaku nianggatakaNa bo nisuroNa mompakaroso pomparasaya ntona nipelisi nu Alatala. NituduNa muni yaku mompatuduki ira ala rasanira pepatuduki nakana, anu manggeni ira matuvu nangoseaka dota nu Alatala.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

Yakobus 1:1

Sura hitu lako nte yaku, i Yakobus. Yaku batua nu Alatala bo batua i Pue Yesus Kristus. Nadea tabe ka komiu todea nu Alatala ri njumangu dunia.

1 Petrus 1:9

Nadamba mpuumo raramiu sabana nitarimamiumo asele pomparasayamiu, haitumo komiu nipakasalama lako ri pehuku sampe ri kasae-saena.

1 Petrus 2:16

Komiu kana matuvu mpo tona nikabasaka lako ri pehuku nu dosa. Tapi nee sampe haitu majadi loga ka komiu movia anu nadaa! Komiu kana matuvu mpo batua nu Alatala anu natundu nte Ia.

Pompakita 7:13

Naupu sia, naria saito totua lako nte ira ropulu bo ampa haitu nompekutana nte yaku ivei: “Isema tona nopakea mputi gahaitu? Lako ri umba ira?”