Roma 6:2 - Kaili Ledo

² Tantu ledo! Ledo masipato kita bate-batena movia dosa, sabana namala raulita kita namate nosanggani ante i Kristus ala kita domo rakuasai nu dosa.

Roma 6:2 ပူးပေါင်းရင်းမြစ်များ

Lukas 20:16

Natantu rapatesina pura-pura ira, bo radekeina taluana ka tona ntanina mojampangina.” Topangepe porapa haitu nanguli ka i Yesus, “Nee mpuu sampe majadi ivehaitu!”

Roma 5:11

Bo ledo aga haitu. Nadamba rarata sabana posangu rarata nte Alatala, anu nirasaita sabana anu nipovia nTuputa Yesus Kristus. Apa lako nte i Yesus Kristus kita nipoposinggabelo nte Alatala.

Roma 6:15

Jadi, ane kita domo nipou Atura agama, tapi nanjarumaka pepotove nu Alatala, berimbamo? Mamala kita batena movia dosa? Ledo ntoto mamala!

Roma 7:4

Sampesuvu-sampesuvu, ivesia muni ante kita. Bara ipia kita nipou nu Atura agama. Tapi kita namatemo nosanggani-nggani ante karo i Kristus, jadi kita domo nipou nu Atura-atura agama. Kuasa Atura-atura haitu domo nambela kita. Bo sii-sii kita najadi todea ntosaitoNamo, haitumo i Kristus anu natuvu mpanjili lako ri kamateNa ala katuvuta moguna ka Alatala.

Roma 7:6

Tapi sii-sii, kita nikabasakamo lako ri kuasa Atura agama anu nompou kita bara ipia, sabana kita namate nosanggani-nggani ante i Kristus. Jadi kita domo nangoseaka dala nokolu, haitumo kita domo nangoseaka atura-atura nitulisi. Sii-sii kita nangoseaka dala nabaru, haitumo kita nangoseaka dota nu Alatala ante petulungi Nosa Gasa.

Galatia 2:19

Apa lako ri Atura agama sampe nisaniku ledo kupakule majadi manoa ri panggita nu Alatala ante nangoseaka Atura haitu. Jadi sabana haitu, sii-sii yaku nenontomo nanjarumaka Atura agama ala yaku mamala mpuu-mpuu matuvu nangoseaka dota nu Alatala. Tempo i Kristus namate ri kayu salib, yaku muni nireke namate nosanggani-nggani ante Ia.

Galatia 6:14

Tapi yaku ledo ntoto madota mangoe ka nuapa-nuapa; yaku aga mangoeka anu nipovia nTuputa i Yesus Kristus ri kayu salib. Lako ri kamateNa haitu, nalantomo ka yaku ledo ria nuapa-nuapa riara dunia anu namala mompakanoa yaku ri panggita nu Alatala. Jadi nikabasakakumo pura-pura anu ri dunia anu nisarumakaku bara ipia, bo yaku aga nanjarumaka i Kristus.

Kolose 2:20

Namala raulita kita topomparasaya i Kristus namate nosanggani-nggani nte Ia, bo nikabasaka lako ri kuasa malaeka-malaeka nadaa anu nombakuasai dunia. Jadi nakuya komiu da nangoseaka atura-atura ri dunia hitu nasimbayu mpo tona dopa nosisani nte i Kristus?

Kolose 3:3

Apa katuvumiu nadosa nireke namatemo. Bo katuvumiu nabaru dopa nikita ntoto, nasimbayu mpo kaoge i Kristus dopa muni nikita ntoto, apa Alatala dopa nompopakitana.

1 Petrus 1:14

Komiu kana matuvu mpo ana-ana nu Alatala anu natundu nte Ia. Nee mangoseaka dota raramiu nadaa anu nombakuasai komiu tempo komiu da natuvu ri kalandana.

1 Petrus 2:24

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.

1 Yohanes 3:9

Tona najadi ana-ana nu Alatala domo batena novia dosa, sabana ana-ana nu Alatala kana manjava inggu nTuamara. Domo mamala ira batena movia dosa sabana ira najadi ana-ana nu Alatalamo.