Roma 6:14 - Kaili Ledo

¹⁴ Nee radekei karomiu rakuasai nu dosa, apa kita domo nipou Atura agama. Tapi kita nanjarumaka pepotove nu Alatala.

Roma 6:14 ပူးပေါင်းရင်းမြစ်များ

Matius 1:21

I Maria mompoanaka saito ngana langgai, bo ngana haitu kana mupoposanga Yesus sabana Iamo mompakasalama todeaNa lako ri dosara.”

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Yohanes 8:36

Jadi, ane Ana nu Alatala mbotomo mombakabasaka komiu lako ri dosa, makabasaka mpuumo komiu!

Roma 11:6

ledo sabana pokainggura. Apa ane rapana Alatala mompelisi tona sabana pokainggura nabelo, batuana, ledo lako ri kabelo nu raraNa mpuu nompelisiNa.

Roma 4:16

Jadi kita mantarima anu nijanji nu Alatala sabana pomparasayata nggoo, ala malanto anu nidekeiNa haitu nidekeiNa bayangi lako ri kabelo nu raraNa. Jadi, anu nijanji nu Alatala nambela ka pura-pura muli i Abraham, ledo aga ka toYahudi anu nompasimbuku nangoseaka Atura agama, tapi isema-sema nanjarumaka Alatala nasimbayu mpo i Abraham nanjarumaka Alatala. Apa i Abraham rapotuamata mpasinggani, haitumo, ia najadi jonjo pomparasaya ka kita pura-pura.

Roma 5:17

Nompamula lako ri peliunaka ntona saito, pura-pura manusia mamate. Tapi naogepa aselena lako ri anu nipovia ntosaitona, i Yesus Kristus! Alatala mpuu-mpuu nabelo nte kita bo nidekeiNa ka kita pedekei bayangi, haitumo, kita nipajadiNa nanoa ri panggitaNa sabana anu nipovia i Yesus. Isema-sema nantarima pedekeiNa haitu manggava kuasa bo katuvu nabelo sampe ri kasae-saena.

Roma 5:18

Jadi, lako ri dosa i Adam sampe pura-pura manusia masipato rahuku sabana dosara. Tapi i Yesus nangoseaka dota nu Alatala bo lako ri anu nipoviaNa, pura-pura manusia mamala majadi manoa ri panggita nu Alatala bo manggava katuvua mabelo.

Roma 6:12

Jadi nee rapalamba dosa mombakuasai katuvumiu ri dunia hitu, ala komiu ledo mangoseaka dota raramiu anu nadaa.

Roma 6:15

Jadi, ane kita domo nipou Atura agama, tapi nanjarumaka pepotove nu Alatala, berimbamo? Mamala kita batena movia dosa? Ledo ntoto mamala!

Roma 8:12

Jadi, sampesuvu-sampesuvu, kita masipato matuvu mangoseaka dota nu Alatala. Ledo masipato kita mangoseaka dotata mboto nadaa.

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

Galatia 3:23

Bara ipia, dopame kita nomparasaya i Yesus, kita da natundu nte Atura agama. Kita nirapaka tona nitarunggu apa kita nipou Atura agama sampe makava tempona Alatala mompopaisani i Kristus ka kita, bo raparasayata Ia.

Galatia 4:21

Hee komiu anu madota matundu nte Atura agama ala majadi manoa ri panggita nu Alatala! Mai kuuli ka komiu anu nitulisi riara Buku Atura Agama!

Galatia 5:18

Tapi ane komiu nikeniaka Nosa Gasa nu Alatala, komiu ledo paraluu matundu nte Atura agama.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

Ibrani 8:10

Tapi iveimo pojanji Kupovia ante toIsrael ri tempo makava: Kuboli atura-aturaKu riara pekirira, bo Kutulisi atura-atura haitu riara ntaira. Yaku majadi Alatala nisombara bo ira majadi todeaKu.