Roma 5:9 - Kaili Ledo

⁹ Kita najadi nanoa ri panggita nu Alatala sabana raa i Yesus anu namate mombasompo dosata. Jadi, natantumo i Yesus mombakabasaka kita lako ri pehuku nu Alatala anu makava ngena.

Roma 5:9 ပူးပေါင်းရင်းမြစ်များ

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Roma 1:18

Lako ri suruga Alatala nombahuku manusia anu ledo natundu nte Ia bo nokainggu nadaa. Pokainggura nadaa haitu nombalava tona mangisani pepatuduki nakana.

Roma 5:1

Kita najadi nanoa ri panggita nu Alatala sabana kita nomparasaya i Yesus. Jadi sii-sii kita natuvu nosinggabelo ante Alatala sabana anu nipovia nTuputa Yesus Kristus ka kita.

Roma 5:10

Bara ipia, tempo kita da nangeva Alatala, nidekeiNa AnaNa mamate mombasambei kita, ala kita rapoposinggabelo mpanjili ante Ia. Sii-sii kita nosinggabelomo ante Alatala, jadi natantumo kita rapakasalama lako ri pehuku bara maipia, sabana i Kristus bate-batena natuvu.

Roma 8:1

Jadi sii-sii domo ria pehuku rapambela ka tona nosangu rara ante i Yesus Kristus.

Roma 8:30

Bo kita anu nipakatantuNa lako ri lamba pamulana haitu, nipokioNa majadi todeaNa. Bo kita anu nipokioNa majadi todeaNa, nirekeNa nanoa ri panggitaNa. Bo kita anu nirekeNa nanoa, radekeiNa bagia ri kakuasaNa bo kaogeNa mboto.

Efesus 2:13

Tapi sii-sii domo mpo bara ipia, sabana komiu nosangu raramo ante i Yesus Kristus. Bara ipia komiu nakavao lako nte Alatala, tapi sii-sii komiu nipakapara ante Ia sabana raa lako ri kamate i Kristus.

Efesus 2:3

Bara ipia kita pura-pura nokainggu nasimbayu mpo tona haitu; kita muni natuvu nangoseaka mpengaya-ngaya dota rarata nadaa. Kita aga novia anu nompakasana karota bo pekiri rara ntaita nadaa. Kakanana kita masipato rapambela pehuku nu Alatala sabana pokaingguta haitu. Kita nasimbayu mpo tona ntanina nadaa.

1 Tesalonika 1:10

Nitesara muni berimba komiu nanjarumaka kakava i Yesus, Ana nu Alatala lako ri suruga. Ia nipakatuvu nu Alatala mpanjili lako ri kamateNa. Bo Iamo nombakabasaka kita lako ri pehuku nu Alatala anu rapambela ka tona nadosa bara maipia.

Ibrani 9:14

nemopa raa i Kristus anu nelabipa kabisana! I Kristus nombadekei karoNa mboto ka Alatala najadi pesomba anu ledo ria kakurana. Haitu nipoviaNa ante petulungi Nosa Gasa, anu naria sampe ri kasae-saena. Raa i Kristus nompakagasa rara ntaita lako ri pokaingguta ledo ria gunana ala kita mamala metupu nte Alatala anu natuvu sampe ri kasae-saena.

Ibrani 9:22

Kakanana, nangoseaka Atura-atura agama Yahudi sakidepa pura-pura anu naria nipakagasa ante raa. Bo ane ledo ria katiti nu raa, dosa ledo namala raampungi.

1 Yohanes 1:7

Tapi ane kita natuvu riara reme nasimbayu mpo Alatala naria riara nu reme, kita natuvu nosangu rara nte roa, bo Alatala mombalelaka pura-pura dosata sabana raa nu AnaNa i Yesus anu namate ala dosata mamala raampungi.