Roma 5:7 - Kaili Ledo

⁷ Nakura nikavata tona nasadia mamate manjambei roa anu ledo nasala pokaingguna. Ane roana tona nabelo mpuu, bara maria nte saito masadia mamate manjambei ia.

Roma 5:7 ပူးပေါင်းရင်းမြစ်များ

Matius 13:15

Sabana tona gahaitu nakaa bagara, bo ira aga netibongo, bo matara nipiriramo. Ane ledo nipoviara ivehaitu rakita nu matara anu najadi, raepe ntalingara bo rasanira batuana, rapahara anu nakana bo manjili nte Yaku, ala Kupakabelo ira.’ ” Yesaya 6:9-10

Yohanes 15:13

Ane saito tona mamate manjambei vega-vegana, ia mpuu-mpuu nompotove vegana haitu. Ledo ria pepotove naogepa pade haitu.

Suro-Suro 11:24

I Barnabas haitu tona nabelo rarana, bo nikeniaka Nosa Gasa nu Alatala. Naroso mpuu pomparasayana. Bo nadea tona ri Antiokhia nikenina nomparasaya i Pue Yesus.

Roma 16:4

Ira sakidepa namate nantulungi yaku. Yaku nosukuru nte ira, bo ledo aga yaku, tapi pura-pura todea topomparasaya anu ledo toYahudi.

Roma 5:6

Iveimo tove nu Alatala ka kita: ri tempo nipakatantu nu Alatala, tempo kita ledo nompakule mangoseaka dotaNa, i Kristus namate nanjambei kita anu ledo natundu nte Alatala.

Roma 5:8

Tapi ledo ivesia tove nu Alatala. Alatala nompopakita kambaso nu toveNa ka kita tempo kita da nadosa. Apa tempo kita da nadosa, i Kristus namate manjambei kita.

1 Yohanes 3:16

Nanggita pokainggu i Yesus, nisanitamo mosimpotove. Ia namate nanggeni belo ka kita. Jadi kita muni kana masadia mamate mantulungi sampesuvuta.