Roma 5:19 - Kaili Ledo

¹⁹ I Adam ledo natundu nte Alatala. Aselena, pura-pura manusia najadi nadosa. Tapi i Yesus natundu nte Alatala. Aselena, pura-pura manusia mamala majadi manoa ri panggita nu Alatala.

Roma 5:19 ပူးပေါင်းရင်းမြစ်များ

Roma 11:32

Alatala nompakalanto pura-pura manusia nesapuaka bo masipato rahuku, ala Ia mamala mompoasi bo mombaampungi pura-pura manusia.

Roma 5:12

Dosa neumba ri dunia sabana saito manusia nombaliunaka parenta nu Alatala, haitumo i Adam. Bo lako ri dosa i Adam haitu sampe naria kamatea ri dunia. Ivesiamo pura-pura manusia kana mamate apa pura-pura manusia novia dosa.

Roma 5:15

Tapi asele anu nipovia i Adam bo asele anu nipovia i Yesus nosisala muni. Pedekei bayangi nidekei nu Alatala ka kita naogepa pade peliunaka i Adam. Lako ri peliunaka i Adam, pura-pura manusia mamate. Tapi naogepa pepotove nu Alatala bo pedekeiNa ka manusia. Pedekei nu Alatala, haitumo, Ia nompakasalama manusia sabana anu nipovia i Yesus Kristus lako ri kabelo raraNa.

Roma 5:18

Jadi, lako ri dosa i Adam sampe pura-pura manusia masipato rahuku sabana dosara. Tapi i Yesus nangoseaka dota nu Alatala bo lako ri anu nipoviaNa, pura-pura manusia mamala majadi manoa ri panggita nu Alatala bo manggava katuvua mabelo.

2 Korintus 5:21

I Kristus ledo ntoto nadosa. Tapi Alatala nompoposimbuaka ka Ia dosata bo nipoviaNa Ia mpo tona nadosa ala manjambei kita. Alatala novia haitu ala kita anu nosangu rara nte i Kristus majadi manoa ri panggitaNa.

Efesus 1:6

Alatala novia pura-pura haitu ala ratoiyata Ia. Nelabi mpuu kaoge nu toveNa ka kita! Lako ri kabelo nu raraNa, Ia nompopelabi bayangi toveNa ka kita anu nosangu rara ante AnaNa nipotoveNa.

Filipi 2:8

Bo tempo Ia natuvu mpo manusia, Ia nompakaede raraNa bo natundu nte Alatala sampe namate, nau sampe nipatesi nipaku ri kayu salib mpo tona nadaa.