Roma 5:16 - Kaili Ledo

¹⁶ Asele pedekei nu Alatala ledo nasimbayu ante asele dosa i Adam. I Adam nombaliunaka parenta nu Alatala sanggani. Aselena, ia nireke nasala ri panggita nu Alatala bo masipato rahuku. Tapi lako ri pedekei nu Alatala bayangi, dosata nadea nipakalaliNa bo kita nipajadiNa nanoa ri panggitaNa.

Roma 5:16 ပူးပေါင်းရင်းမြစ်များ

Matius 6:14

Ane komiu mombaampungi tona novia sala nte komiu, Alatala Tuamamiu ri suruga, muni mombaampungi komiu.

Roma 8:1

Jadi sii-sii domo ria pehuku rapambela ka tona nosangu rara ante i Yesus Kristus.

1 Korintus 11:32

Tapi ane rapana kita rapambela pehuku nu Alatala sii-sii, patujuNa kita rapatuduki ala nee sampe kita rapakaropu mosanggani-nggani ante tona ri dunia anu ledo natundu nte Alatala.

Galatia 3:10

Isema-sema nanjarumaka majadi manoa ri panggita nu Alatala sabana nioseakana Atura agama, iamo rahuku nu Alatala. Nisanita haitu sabana riara Buku Gasa nitulisi ivei: “Isema-sema ledo natutu nangoseaka pura-pura parenta nitulisi riara Buku Atura Agama, iamo rahuku nu Alatala.”

Yakobus 2:10

Apa ane rapasimbukuta mangoseaka pura-pura atura nu Alatala, bo nau aga sangaya raliunakata, nasimbayu mpo niliunakata pura-pura atura haitu.