Roma 4:21 - Kaili Ledo

²¹ niparasayana mpuu Alatala nompakule mompakadupa pojanjiNa.

Roma 4:21 ပူးပေါင်းရင်းမြစ်များ

Matius 19:26

I Yesus nangganoto ira bo nanguli, “Ane aga lako ri pompakule manusia, natantu ledo ntoto maria saitoa rapakasalama. Tapi ane lako ri pompakule nu Alatala pura-pura mamala majadi.”

Lukas 1:1

Teopilus nibilaku: Nadeamo tona nompasimbuku notulisi nakana sunju pura-pura anu nipovia i Yesus ri tatangata.

Lukas 1:37

Pura-pura anu niuliku ka iko kana majadi, apa ledo ria tesa nu Alatala ledo madupa.”

Lukas 1:45

Nabelo mpuu iko, sabana niparasayamu anu niuli nTupu ka iko mpuu-mpuu majadi.”

Roma 14:4

Roata haitu batua nu Alatala, ledo batuata. Ledo masipato kita manjalai batua ntona ntanina. Bara makana bara masala batua haitu, haitu urusa nu tuana mboto, ledo urusata. Bo tona nangande mpengaya-ngaya kandea haitu tantu rareke nakana sabana Tupu nakuasa nombatulungi ia novia anu nakana.

Roma 14:5

Naria muni topomparasaya nanguli naria eo nopokopa pade eo-eo ntanina. Tapi topomparasaya ntanina nanguli pura-pura eo nasimbayu. Ledo nakuya, asaa pura-pura tona mpuu-mpuu nomparasaya riara ntaira Alatala nompokono anu nipoviara.

Roma 8:38

Apa niparasayaku, nau sangaya ledo ria nompakule mompopogaa kita lako ri toveNa. Nau mamate nau matuvu, Ia bate-batena mompotove kita. Ledo ria malaeka atau seta atau kuasa ntanina, ledo ria nuapa-nuapa najadi sii-sii atau nuapa-nuapa majadi bara maipia,

2 Korintus 9:8

Alatala nakuasa mombadekei belo ka komiu sampe komiu bate-batena ledo makura nuapa-nuapa. Bo belo haitu melabipa kaganana sampe komiu mamala movia mpengaya-ngaya anu nabelo mombatulungi tona ntanina.

2 Timotius 1:12

Bo yaku nombarasai pura-pura kasusa riara ntarunggu hitu sabana pokarajaaku nompatolele Kareba Belo. Tapi naupa ivesia, ledo naeya mataku, sabana niposisanikumo i Yesus anu nisarumakaku, bo nisanikumo Ia nompakule nombajagai yaku sampe ri Eo Potangara ri kaupu nu dunia.

Ibrani 11:13

Ira pura-pura pangane batena nomparasaya sampe namate, nau ledo nitarimara mboto anu nijanji nu Alatala. Namala raulita nikitara nggavao kadupana. Nisanira kadupana da masaepa, tapi naupa ivesia nadamba rarara bo ledo nonggai rarara nantongoraka kadupana pojanji nu Alatala. Niulira dunia hitu ledo ponturora nakana, ira aga topesovo bo topanjayo ri dunia hitu.

Ibrani 11:19

Nipekirina Alatala nompakule mompakatuvu mpanjili tomate. Jadi namala rauli i Abraham nantarima anana mpanjili lako ri kamatena.