Roma 4:2 - Kaili Ledo

² Ane rapana i Abraham nireke nanoa sabana pokaingguna nabelo, mamalamo ia mantoiya karona mboto. Tapi ledo namala ia mantoiya karona ivesia ri ngayo nu Alatala,

Roma 4:2 ပူးပေါင်းရင်းမြစ်များ

Roma 15:17

Jadi yaku nadamba nompekirika pokarajaa nituiku ka Alatala, sabana yaku nosangu rara ante i Yesus Kristus.

1 Korintus 1:29

Patuju nu Alatala ala nee maria manusia mangoe ri ngayo nu Alatala, manguli kapandena mboto sampe ia nipelisi nu Alatala.

1 Korintus 1:31

Jadi evamo nitulisi riara Buku Gasa, “Isema-sema madota mantoiya bara nuapa, aginapa ia mantoiya anu nipovia nTupu!” Yeremia 9:24

1 Korintus 4:7

Isema nanguli komiu nelabipa pade tona ntanina? Nuapa naria nte komiu anu ledo nidekei nTupu ka komiu? Jadi nakuya komiu nangoe-ngoe? Nisarumakamiu anu naria nte komiu asele mpoviamiu mboto?

1 Korintus 9:16

Apa ane yaku mompatolele Kareba Belo, ledo masipato yaku mangoe bo mompakalanga rara, sabana yaku nisuro nu Alatala mompatolelena. Mandasa yaku ane ledo kupatolele Kareba Belo!

2 Korintus 11:12

Tapi yaku bate-batena ledo merapi gaji lako nte komiu, ala suro-suro anu ledo ria kasimbayuna ri situ ledo maria loga mangoe manguli ira nokarajaa nasimbayu mpo kami.

2 Korintus 11:30

Suro mpodava nangoe karora mboto, jadi yaku muni mangoe karoku mboto. Tapi ane yaku kana mantoiya karoku mboto, aginamo kalenteku kutoiya.

2 Korintus 5:12

Nee rapekirimiu kami nantoiya karo kami vaimo! Ledo ivesia. Patujuku ala komiu madamba mompekirika kami, bo ala rasanimiu mesanaka tona anu nompoara kami. Apa tona haitu aga nadamba ka nturora ri dunia tapi ledo nipeilira rara ntaira.

Galatia 3:22

Tapi niuli ri Buku Gasa, pura-pura manusia nikuasai nu dosa. Jadi, ledo ria dala ntanina mompakanoa kita ri panggitaNa, aga momparasaya i Yesus Kristus. Katuvua mabelo nijanji nu Alatala radekeiNa ka isema-sema nomparasaya.

Efesus 2:9

Kita nipakasalama ledo sabana pompasimbukuta mboto ala ledo maria tona mangoe manguli, “Yaku hii nipakasalama sabana pompasimbukuku mboto!”

Filipi 3:9

bo mpuu-mpuu mosangu rara ante Ia! Alatala nombareke yaku nanoa ri panggitaNa, ledo sabana pangoseakaku Atura-atura agama, tapi sabana pomparasayaku i Kristus. Yaku najadi nanoa ri panggita nu Alatala ledo lako ri pokaingguku, tapi lako nte Alatala mboto. Bo Alatala nompakanoa yaku lako ri pomparasayaku.