Roma 4:17 - Kaili Ledo

¹⁷ Riara Buku Gasa tesa nu Alatala ka i Abraham nitulisi ivei: <> Bo i Abraham nomparasaya tesaNa. Alatalamo nakuasa nompakatuvu tomate, bo nipakuleNa nombasovadaka tesaNa nanggasangai anu dopa naria, najadi naria.

Roma 4:17 ပူးပေါင်းရင်းမြစ်များ

Matius 3:9

Nee rapekirimiu, ‘Kami hii muli i Abraham. Pehuku nu Alatala ledo rapambela ka kami.’ Haitu ledo muni nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Yohanes 5:21

TuamaKu nompakatuvu mpanjili tona namate bo nombadekei katuvua nabaru ka ira. Ivesia muni Yaku, AnaNa, mombadekei katuvua nabaru ka isema-sema nipodotaKu.

Yohanes 5:25

Pariaramo tesaKu hitu. Kana makava tempona bara maipia, bo sii-sii nakavamo tempona haitu, tona namatemo mangepe suaraKu, Ana nu Alatala, bo ira anu mangepena bo mangoseakana, manggava katuvua mabaru.

Yohanes 6:63

Kuasa nu manusia ledo mompakule nombadekei katuvua nabelo, aga Nosa Gasa nu Alatala. Tesa-tesa niuliKu ka komiu, nakava lako ri Nosa Gasa bo tesa-tesa haitumo nombadekei katuvua nabelo.

Suro-Suro 15:18

anu nompopaisani patujuNa lako nggauluname.” Amos 9:11-12

Roma 3:29

Tantumo Alatala ledo aga Alatala ntoYahudi, tapi Alatala ntona ledo toYahudi muni.

Roma 4:18

Nau domo ria panjarumaka i Abraham momuli, ia batena nomparasaya bo nanjarumaka Alatala. Niparasayana ia majadi tuama ngata mbaso dea, nantuntuni tesa nu Alatala ka ia ivei: <>

Roma 4:2

Ane rapana i Abraham nireke nanoa sabana pokaingguna nabelo, mamalamo ia mantoiya karona mboto. Tapi ledo namala ia mantoiya karona ivesia ri ngayo nu Alatala,

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

Roma 9:11

Dopame i Ribka noana, Alatala nanguli ka ia ivei: <> Tempo haitu, ngana randua pangane dopa nipoanaka bo dopa novia nuapa-nuapa nabelo atau nadaa. Tapi Alatala nompakatantu mamimo ngana mbana nipelisiNa mantarima belo lako nte Ia. PatujuNa ala malanto ka kita, ane Alatala nompelisi tona manggava belo lako nte Ia, ledo nipelisiNa nangoseaka pokainggura, tapi nipelisiNa nangoseaka dotaNa mboto.

Roma 9:26

Bo ri umba nipanguli nu Alatala ka ira, , ri situ munimo, ira rauli ana-ana nu Alatala anu Natuvu.>> Hosea 1:10

1 Korintus 1:28

NipelisiNa tona ledo ria nturona, tona nisalai bo tona nireke ledo ntoto ria gunana ri panggita ntona ri dunia, ala malanto anu nitoiya nu manusia ri dunia hitu ledo ria gunana.

1 Korintus 15:45

Riara Buku Gasa naria nitulisi ivei: “Manusia paratama, i Adam, nipakatuvu nu Alatala.” Kajadia 2:7 Tapi i Adam kaupuna, haitumo i Kristus, nombadekei katuvu nabelo sampe ri kasae-saena.

1 Timotius 6:13

Jadi, ri ngayo nu Alatala, anu nompakatuvu pura-pura anu naria, bo ri ngayo i Yesus Kristus anu nabia nompangaku tesa nakana ri ngayo i Pontius Pilatus, kuuli ka iko ivei:

Ibrani 11:12

Tempo haitu karo i Abraham domo nompakule momuli sabana ia natua ntotomo. Tapi naupa ivesia, nadea mulina, ledo rapakuleta mobila kadeana. Kadeana nasimbayu mpo kadea nu betue ri langi bo bone ri talinti.

Ibrani 11:3

Lako ri pomparasayata, nisanita dunia nipajadi nu Alatala ante TesaNa. Jadi, anu nikita nipajadi lako ri anu ledo nikita.

Ibrani 11:7

Lako ri pomparasaya i Nuh, ia natundu nte Alatala. Alatala nompopaisani ka i Nuh maria uve oge ngena mompakagero dunia. Jadi, nau dopa nikitana kajadia haitu, nioseakana parenta nu Alatala bo nipoviana kapala mbaso ala ira sambanua masalama. Lako ri pomparasayana haitu, pura-pura manusia ntanina ri dunia nireke nu Alatala masipato rahuku sabana ira ledo nomparasaya. Tapi i Nuh nireke nu Alatala nanoa sabana pomparasayana.

1 Petrus 2:10

Bara ipia komiu ledo todeaNa, tapi sii-sii komiu najadi todeaNamo. Bara ipia komiu ledo nipoasi mataNa, tapi sii-sii nirasaimiumo asi nu mataNa!

2 Petrus 3:8

Tapi, sampesuvu-sampesuvu nipotoveku, nee rakalingasimiu tesa hitu: Ri panggita nTupu, sanjobu mpae nasimbayu mpo saeo, bo saeo nasimbayu mpo sanjobu mpae.