Roma 4:1 - Kaili Ledo

¹ Jadi pekirimo i Abraham, totua ntoYahudi nggaulu. Berimba sampe ia najadi nanoa ri panggita nu Alatala?

Roma 4:1 ပူးပေါင်းရင်းမြစ်များ

Matius 3:9

Nee rapekirimiu, ‘Kami hii muli i Abraham. Pehuku nu Alatala ledo rapambela ka kami.’ Haitu ledo muni nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Lukas 3:8

Ane komiu mpuu-mpuu majea, popakitamo ante pokainggu nabelo. Nee rapekirimiu,‘Kita hii muli Nabi Abraham, jadi pehuku nu Alatala ledo rapambela ka kita!’ Haitu muni ledo nakana! Kuuli ka komiu, ane Alatala madota, nau vatu-vatu hitu mamala rapajadiNa muli i Abraham.

Yohanes 8:33

Nesana pakeni ntoYahudi, “Kami hii muli i Abraham. Dopa sanggania kami nipobatua ntona. Berimba bo niuliMiu kami domo rapobatua?”

Yohanes 8:53

Berimbamo? Naogepa Iko pade tuputa i Abraham? Ia bo nabi-nabi nggaulu namate puramo! Isema ntoto Iko sampe Iko nabia notesa ivesia?”

Yohanes 8:56

Totuamiu nggaulu i Abraham, nadamba mpuu rarana sabana nisanina rakitana Yaku makava. Nikitanamo bo nadamba mpuumo rarana.”

Suro-Suro 13:26

I Paulus nompapola tesana ivei: “Sampesuvu-sampesuvu muli i Abraham bo sampesuvu-sampesuvu ntanina anu natundu nte Alatala. Alatala nompakatu ka kita kareba anu mompakalanto berimba Alatala mompakasalama kita.

Roma 1:3

Kareba Belo haitu notesaki Ana nu Alatala, haitumo Tuputa Yesus Kristus. I Yesus najadi manusia apa Ia nipoanaka lako ri muli Magau Daud. KagasaNa nasimbayu nte kagasa nu Alatala sabana Ia Ana nu Alatala mami. Nisanita Ia mpuu-mpuu Ana nu Alatala sabana Alatala nompakatuvu Ia mpanjili lako ri kamateNa ante kuasa nipokumaaka.

Roma 3:5

Bara naria tona nanguli Alatala ledo nanoa ane Ia rahukuNa kadaata, sabana kadaata haitu aga nompakalanto kanoa nu Alatala.

Roma 4:16

Jadi kita mantarima anu nijanji nu Alatala sabana pomparasayata nggoo, ala malanto anu nidekeiNa haitu nidekeiNa bayangi lako ri kabelo nu raraNa. Jadi, anu nijanji nu Alatala nambela ka pura-pura muli i Abraham, ledo aga ka toYahudi anu nompasimbuku nangoseaka Atura agama, tapi isema-sema nanjarumaka Alatala nasimbayu mpo i Abraham nanjarumaka Alatala. Apa i Abraham rapotuamata mpasinggani, haitumo, ia najadi jonjo pomparasaya ka kita pura-pura.

Roma 6:1

Nau dosa manusia nantambai kadeana, naogepa pepotove nu Alatala. Jadi, berimbamo? Mabelo ane kita batena movia dosa ala mantambai pepotove nu Alatala ka kita?

Roma 7:7

Niuliku pangane i Kristus nombakabasaka kita lako ri Atura agama. Jadi ane ivesia, nuapa raulita? Nadaa Atura agama? Tantu ledo! Atura-atura agama nabelo, sabana lako ri Atura haitu nisanita nuapa niuli dosa. Ane rapana ledo ria parenta nanguli <> ledo kusani kadaa nu dota anu naria riara ntaiku.

Roma 8:31

Jadi sampesuvu-sampesuvu. Ane rapekirita pura-pura anu nipovia nu Alatala ka kita, maroso rarata. Apa ane Alatala mosabingga ka kita, isema mompakule mangeva kita?

2 Korintus 11:22

Berimbamo? ToIbrani ira? Yaku muni toIbrani. ToIsrael ira? Yaku muni toIsrael! Muli i Abraham ira? Yaku muni muli i Abraham!

Ibrani 12:9

Kapolana, tuamata ri dunia nombaboba bo nompatuduki kita bo kita nombabila ira bo nekou nte ira. Ane ivesia, natantumo kana meliupa pekouta nte Alatala, Tuamata ri suruga ala kita matuvu mabelo.