Roma 3:27 - Kaili Ledo

²⁷ Jadi domo mamala kita malanga rarata. Apa Alatala nantarima kita sabana pomparasayata, ledo sabana kita nangoseaka atura-atura.

Roma 3:27 ပူးပေါင်းရင်းမြစ်များ

Markus 16:16

Isema-sema ledo momparasaya Kareba Belo haitu, kana rahuku. Tapi isema-sema momparasaya Yaku bo radiu tandana ia topangoseaka Yaku, ia rapakasalama.

Yohanes 3:36

Isema-sema momparasaya AnaNa, manggava katuvua mabelo sampe ri kasae-saena. Tapi isema-sema ledo nekou nte AnaNa ledo manggava katuvua mabelo haitu. Ia aga rapambela rau rara nu Alatala sampe ri kasae-saena.”

Roma 10:5

Nabi Musa notesa tona najadi nanoa ri panggita nu Alatala sabana nioseakara Atura agama. Niulina ivei: <> Imamat 18:5

Roma 11:6

ledo sabana pokainggura. Apa ane rapana Alatala mompelisi tona sabana pokainggura nabelo, batuana, ledo lako ri kabelo nu raraNa mpuu nompelisiNa.

Roma 2:17

Tapi berimbamo komiu? Komiu nompangaku karomiu toYahudi. Komiu nanjarumaka Atura-atura agama Yahudi. Komiu nangoeki posisanimiu nte Alatala.

Roma 2:23

Komiu nangoe sabana naria Atura agama nte komiu. Tapi nipandaentemiu Alatala apa ledo nioseakamiu AturaNa!

Roma 3:19

Jadi lako ri tesa ri Buku Gasa, nisanita ledo ria manusia nanoa. Nisanitamo pura-pura anu nitulisi riara Atura agama nambela ka toYahudi anu natundu ri Atura haitu. Jadi ledo ria saitoa tona namala manguli karona mboto nanoa. Pura-pura manusia masipato rapambela pehuku nu Alatala.

Roma 3:26

PatujuNa, ala sii-sii rasani ntona Ia nanoa, apa nihukuNamo dosata ante kamate i Yesus. Jadi nisanita Ia nanoa bo nisanita muni Ia nompakule nompakanoa topomparasaya i Yesus.

Roma 4:2

Ane rapana i Abraham nireke nanoa sabana pokaingguna nabelo, mamalamo ia mantoiya karona mboto. Tapi ledo namala ia mantoiya karona ivesia ri ngayo nu Alatala,

Roma 7:21

Jadi anu najadi riara nggatuvuku ivei: yaku madota mokainggu nabelo, tano aga pokainggu nadaa nipoviaku.

Roma 7:23

Tapi ledo nioseakaku atura nu Alatala sabana naria kuasa ntanina nombadagi yaku. Riara ntaiku, yaku madota mangoseaka atura nu Alatala, tapi kuasa nu dosa riara nggatuvuku nosibali ante pekiri riara ntaiku, sampe yaku nipobatua kuasa nu dosa haitu.

Roma 7:25

Yaku nosukuru nte Alatala! Apa Tuputa Yesus Kristus mombakabasaka yaku!

Roma 8:2

Apa Nosa Gasa anu nanggeni kita natuvu nosangu rara nte i Yesus Kristus, nombakabasaka kita lako ri kuasa dosa bo kamatea.

Roma 9:11

Dopame i Ribka noana, Alatala nanguli ka ia ivei: <> Tempo haitu, ngana randua pangane dopa nipoanaka bo dopa novia nuapa-nuapa nabelo atau nadaa. Tapi Alatala nompakatantu mamimo ngana mbana nipelisiNa mantarima belo lako nte Ia. PatujuNa ala malanto ka kita, ane Alatala nompelisi tona manggava belo lako nte Ia, ledo nipelisiNa nangoseaka pokainggura, tapi nipelisiNa nangoseaka dotaNa mboto.

Roma 9:31

Tapi toIsrael nasaemo nompasimbuku mangoseaka atura-atura ala ira rareke manoa ri panggita nu Alatala. Tapi ira ledo najadi nanoa.

Roma 9:32

Nuapa sabana? Sabana ira aga nanjarumaka pompasimbukura mboto nangoseaka atura agama, ledo nanjarumaka pomparasayara Alatala. Ira mpo tona natepasunu ri vatu pasunu, batuana: ira ledo nadota nomparasaya Magau Topepakasalama.

1 Korintus 4:7

Isema nanguli komiu nelabipa pade tona ntanina? Nuapa naria nte komiu anu ledo nidekei nTupu ka komiu? Jadi nakuya komiu nangoe-ngoe? Nisarumakamiu anu naria nte komiu asele mpoviamiu mboto?

Galatia 2:16

Tapi nau ivesia, nisani kami manusia nireke nanoa ri panggita nu Alatala ledo sabana nangoseaka Atura-atura agama, tapi sabana pomparasayara i Yesus Kristus. Jadi kami mboto nomparasaya i Yesus Kristus ala majadi manoa ri panggita nu Alatala. Kami najadi nanoa sabana pomparasaya kami i Kristus, ledo sabana nangoseaka Atura-atura agama! Apa ledo ria saitoa majadi manoa ri panggita nu Alatala sabana pangoseakana Atura-atura agama.

Galatia 3:22

Tapi niuli ri Buku Gasa, pura-pura manusia nikuasai nu dosa. Jadi, ledo ria dala ntanina mompakanoa kita ri panggitaNa, aga momparasaya i Yesus Kristus. Katuvua mabelo nijanji nu Alatala radekeiNa ka isema-sema nomparasaya.