Roma 3:26 - Kaili Ledo

²⁶ PatujuNa, ala sii-sii rasani ntona Ia nanoa, apa nihukuNamo dosata ante kamate i Yesus. Jadi nisanita Ia nanoa bo nisanita muni Ia nompakule nompakanoa topomparasaya i Yesus.

Roma 3:26 ပူးပေါင်းရင်းမြစ်များ

Lukas 1:80

Ana i Zakharia haitu, kasae-sae kambaso-mbaso karona bo kanoto-noto rarana. Nambasopa, haumo ia nonturo ranggarava bai, nantongoraka gantana ia mompamula mompatolele tesa nu Alatala ka toYahudi.

Roma 3:25

Alatala nombadekei i Yesus Kristus rapatesi bo raaNa natiti. Ia nihuku raposompo dosa manusia. Jadi lako ri raaNa natiti, dosata namala raampungi ane kita nomparasaya i Yesus. Tempo nggaulu, Alatala nompalamba dosa manusia. Ledo nihukuNa sabana posabaraNa. Tapi ane ledo rahukuNa dosata, tantu Ia ledo nanoa. Jadi ante kamate i Yesus, Alatala nompopakita kanoaNa.

Roma 3:27

Jadi domo mamala kita malanga rarata. Apa Alatala nantarima kita sabana pomparasayata, ledo sabana kita nangoseaka atura-atura.

Roma 3:30

Alatala aga saito, bo Iamo nompakanoa toYahudi ane ira momparasaya i Yesus, bo Ia muni mompakanoa tona ledo toYahudi ane ira momparasaya i Yesus.

Roma 4:5

Tapi ledo ivesia kita ante Alatala. Alatala nombareke kita nanoa, ledo sabana kita nokarajaa nompasimbuku nokainggu nabelo. Tapi kita nireke nanoa sabana kita nomparasaya Alatala anu nompakule nombareke tona nadosa mpo tona ledo nasala. Jadi kita nireke nanoa lako ri pomparasayata.

Roma 8:33

Isema mabia mompangadu kita anu nipelisi nu Alatala? Ledo ntoto ria! Apa Alatala mboto nanguli kita ledo nasala.

Pompakita 15:3

Bo nipodadekaramo dade Nabi Musa, batua nu Alatala nggaulu. Bo nipodadekara muni dade mombabila Ana Bimba ivei: “O Pue Alatala, neliu mpuu KakuasaMiu! PoviaMiu naoge bo mpuu-mpuu nipokumaaka. Komiumo Magau nu pura-pura manusia ri dunia! Pura-pura pokaingguMiu nakana bo nanoa.