Roma 3:20 - Kaili Ledo

²⁰ Ledo ria saitoa tona majadi manoa ri panggita nu Alatala sabana nangoseaka Atura-atura agama. Apa Atura haitu aga nompopaisani ka kita pura-pura manusia nadosa.

Roma 3:20 ပူးပေါင်းရင်းမြစ်များ

Suro-Suro 13:39

Kita ledo namala rakabasaka lako ri dosata ane aga nangoseaka Atura-atura nipapola Nabi Musa. Tapi isema-sema nomparasaya i Yesus, rakabasaka lako ri pura-pura dosana bo majadi nanoa ri panggita nu Alatala.

Roma 2:13

Apa ledo topangepe Atura agama nanoa ri panggita nu Alatala, tapi topangoseaka Atura haitu nireke nu Alatala nanoa.

Roma 3:28

Apa poko nu tesa ivei: kita najadi nanoa ri panggita nu Alatala sabana pomparasayata, ledo sabana pokaingguta nangoseaka Atura agama.

Roma 4:13

Tempo nggaulu Alatala nojanji ka i Abraham bo muli-mulina, dunia majadi bagiara. Alatala nojanji ivesia ledo sabana i Abraham nangoseaka Atura-atura agama, tapi sabana niparasayana Alatala bo Alatala nombareke ia nanoa ri panggitaNa.

Roma 4:15

Ane kita aga mompasimbuku mangoseaka Atura agama, kita aga mambela pehuku nu Alatala sabana kita nasaro nombaliunaka AturaNa. Ane rapana ledo maria Atura agama, tantu ledo maria nuapa-nuapa raliunakata bo kita ledo masala.

Roma 5:13

Dopame naria Atura agama nipapola Nabi Musa, manusia novia dosa mamimo. Tapi dosa-dosa haitu ledo nireke nu Alatala, sabana dopa ria Atura agama raliunakara.

Roma 5:20

Atura agama nidekei nu Alatala ala mantambai kadea dosa nipovia nu manusia. Tapi nau dosa manusia nantambai kadeana, pepotove nu Alatala naogepa.

Roma 7:11

Nisanikupa Atura agama, dosa nanggava loga mombabagiu yaku. Namala raulita: lako ri Atura agama, dosa nompakanavu yaku sampe yaku masipato rahuku mate bo rapopogaa lako nte Alatala.

Roma 9:32

Nuapa sabana? Sabana ira aga nanjarumaka pompasimbukura mboto nangoseaka atura agama, ledo nanjarumaka pomparasayara Alatala. Ira mpo tona natepasunu ri vatu pasunu, batuana: ira ledo nadota nomparasaya Magau Topepakasalama.

1 Korintus 15:56

Manusia naeka ka kamatea sabana nisanira ane mamate ira kana rahuku sabana dosara. Bo manusia nadosa sabana niliunakara Atura agama.

Galatia 2:16

Tapi nau ivesia, nisani kami manusia nireke nanoa ri panggita nu Alatala ledo sabana nangoseaka Atura-atura agama, tapi sabana pomparasayara i Yesus Kristus. Jadi kami mboto nomparasaya i Yesus Kristus ala majadi manoa ri panggita nu Alatala. Kami najadi nanoa sabana pomparasaya kami i Kristus, ledo sabana nangoseaka Atura-atura agama! Apa ledo ria saitoa majadi manoa ri panggita nu Alatala sabana pangoseakana Atura-atura agama.

Galatia 2:19

Apa lako ri Atura agama sampe nisaniku ledo kupakule majadi manoa ri panggita nu Alatala ante nangoseaka Atura haitu. Jadi sabana haitu, sii-sii yaku nenontomo nanjarumaka Atura agama ala yaku mamala mpuu-mpuu matuvu nangoseaka dota nu Alatala. Tempo i Kristus namate ri kayu salib, yaku muni nireke namate nosanggani-nggani ante Ia.

Galatia 5:4

Ane komiu mompasimbuku majadi manoa ri panggita nu Alatala ante mangoseaka Atura agama, komiu nopudusi posangu raramiu nte i Kristus. Komiu notubengosi kabelo rara nu Alatala.

Ibrani 7:19

Batuana, Atura-atura agama ledo ntoto nompakule manggeni tona majadi manoa ri panggita nu Alatala. Tapi sii-sii naria sangaya dala nabelopa nipopaisani ka kita. Ane raoseakata dala hitu kita mamala mosisani belo nte Alatala.