Roma 3:1 - Kaili Ledo

¹ ToYahudi bo tona ledo toYahudi nasimbayu, pura-pura nasala ri panggita nu Alatala. Jadi, ane ivesia, nuapa pelabina toYahudi? Nuapa gunana mangoseaka ada posuna?

Roma 3:1 ပူးပေါင်းရင်းမြစ်များ

Yohanes 4:22

Komiu toSamaria ledo nisanimiu mpuu Alatala. Tapi kami toYahudi nisani kami isema nisomba kami, apa Magau Topompakasalama manusia meumba lako nte kami toYahudi.

Roma 3:2

Tantu nadea pelabina, naria mami gunana. Pamula-mulana, Alatala nombadekei tesaNa ka toYahudi nggaulu.

Roma 3:9

Jadi, ri panggita nu Alatala, ledo nabelopa kita toYahudi pade tona ntanina. Apa, evamo niuliku pangane, pura-pura manusia nikuasai nu dota rara novia dosa, toYahudi bo tona ledo toYahudi.

1 Korintus 15:32

Yaku nosieva ante tona nadaa ri ngata Efesus anu nasimbayu mpo binata-binata nasoa. Nuapa gunana yaku matuvu mantingayo kasusa ivehaitu ane ledo ria panjarumakaku yaku rapakatuvu mpanjili? Ane tona namate ledo rapakatuvu mpanjili, agina kita matuvu mpo panguli ntona ivei: “Kamaimo kita mangande bo manginu bo madamba-damba eo hitu, sabana maile bara mamatemo kita, bo katuvuta maupumo.”

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.