Roma 2:9 - Kaili Ledo

⁹ Isema-sema nokainggu nadaa kana mandasa bo mombarasai kasusa, pamula-mulana toYahudi bo muni tona ledo toYahudi.

Roma 2:9 ပူးပေါင်းရင်းမြစ်များ

Matius 16:26

Nuapa gunana rakavamiu pura-pura anu naria ri dunia tapi ledo manggava katuvua nabelo sampe ri kasae-saena? Ledo ria nuapa-nuapa namala rasulamiu ka katuvua nabelo haitu.

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Suro-Suro 11:18

Tempo tona nasiromu ri sia nangepe tesa i Petrus, domo ira nebali. Ira nosanggani-ngganimo nantoiya Alatala. Niulira, “Ane ivesia tano, todea ledo toYahudi muni nipaloga nu Alatala majea lako ri dosa-dosara bo mantarima katuvua nabelo sampe ri kasae-saena!”

Suro-Suro 13:26

I Paulus nompapola tesana ivei: “Sampesuvu-sampesuvu muli i Abraham bo sampesuvu-sampesuvu ntanina anu natundu nte Alatala. Alatala nompakatu ka kita kareba anu mompakalanto berimba Alatala mompakasalama kita.

Suro-Suro 20:21

Yaku nasaro nompainga komiu pura-pura, toYahudi bo tona ledo toYahudi, ala komiu majea lako ri dosamiu bo matundu nte Alatala bo momparasaya Tuputa Yesus.

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Suro-Suro 28:17

Nagana talu-mbongi ri sia, i Paulus nompokio toYahudi anu naria nturona ri sia. Nasiromupa ira, nangulimo i Paulus, “Sampesuvu-sampesuvuku! Yaku ledo novia sala nuapa-nuapa ka sampesuvuta toYahudi bo ledo muni niliunakaku ada nitarimata lako ri totuata nggaulu. Tapi nau ivesia, yaku nisaka ri ngata Yerusalem bo nidekei ka pomarenta Magau Mbaso Roma.

Suro-Suro 28:28

Kaupuna i Paulus nanguli, “Sampesuvu-sampesuvuku. Kareba Belo nanguli berimba Alatala mompakasalama manusia. Jadi nau ledo ratarimamiu, kana rasanimiu, Kareba Belo haitu nipatolelemo ka tona ledo toYahudi bo iramo mangoseakana.”

Suro-Suro 3:26

Haitumo sabana Alatala nanganggataka BatuaNa i Yesus, bo nantudu Ia tumai nte kita toYahudi ntani ruru, ala radekeiNa belo ka kita, haitumo, Ia manggeni kita majea lako ri pokaingguta nadaa.”

Roma 1:16

Ledo naeya mataku nompatolele Kareba Belo. Apa Kareba Belo haitu pareva nu Alatala mompakasalama pura-pura tona anu nomparasaya i Yesus, pamula-mulana toYahudi, bo muni tona ledo toYahudi.

Roma 10:12

Tesa-tesa hitu nambela ka pura-pura tona sabana ledo ria posisalana toYahudi bo tona ledo toYahudi. Aga saito Alatala, bo Ia Tupu nu manusia pura-pura. Ia nabelo raraNa nte pura-pura tona anu nekakai nte Ia.

Roma 2:10

Tapi pura-pura tona nokainggu nabelo kana ratoiya bo rabila bo manggava katuvu nabelo lako nte Alatala, pamula-mulana toYahudi bo muni tona ntanina,

Roma 8:35

Jadi, nuapa mamala mompopogaa kita lako ri tove i Kristus? Natantu ledo ria! Nau kita masusa atau mapari atau rapandasa ntona, nau kita maara mpai atau ledo ntoto ria pakea, nau kita rakava nu susa bara rapatesi, i Kristus bate-batena mompotove kita.

Roma 9:24

Bo kitamo hii anu nipasadiaNa manggava belo haitu. Sanu kita nipokioNa lako nte toYahudi bo sanu nipokioNa lako nte tona ledo toYahudi.

Galatia 3:28

Ri panggita nu Alatala domo ria posisalana toYahudi bo tona ledo toYahudi, batua bo tona ledo batua, langgai bo mombine. Komiu pura-pura nasimbayu ri panggitaNa sabana komiu nosangu rara ante i Yesus Kristus.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

2 Tesalonika 1:6

Alatala nanoa, jadi rabalasiNa tona anu nompandasa komiu,

1 Petrus 4:17

Nakavamo tempona Alatala mombatangara pura-pura manusia. Bo kita todeaNa mboto mokolu ratangaraNa. Ane kita todeaNa mokolu ratangaraNa natantu mantamo mpuumo pehukuNa ka tona ledo nadota nomparasaya Kareba Belo lako nte Ia!